وجہ تسکین دل و جان محمدؐ عربی
ہیں حسن زینتِ انسان محمدؐ عربی
Wajah taskeen dil o jaan Muhammadؐ Arabi
Hain husn zeenat-e-insaan Muhammadؐ Arabi
گود میں اور کبھی دوش پہ آتے ہیں نظر
آپؐ کے لاڈلے ذیشان محمدؐ عربی
Goad mein aur kabhi dosh pe aate hain nazar
Aapؐ ke laadle zeeshan Muhammadؐ Arabi
آپؐ کی ذات مکمل ہے سراپا اُن کا
ہو بہو آپؐ ہیں پہچان محمدؐ عربی
Aapؐ ki zaat mukammal hai sarapa unka
Ho baho aapؐ hain pehchaan Muhammadؐ Arabi
زہر کے جام شہادت کی خبر رکھتے ہیں
کب تھے اُمت سے وہ انجان محمدؐ عربی
Zehr ke jaam shahadat ki khabar rakhte hain
Kab the ummat se woh anjaan Muhammadؐ Arabi
جو بھی حاسد تھے یہاں آلِ ابی طالب کے
خاک میں اُن کی ملی آن محمدؐ عربی
Jo bhi hasid the yahan aal-e-Abi Talib ke
Khaak mein un ki mili aan Muhammadؐ Arabi
آپؐ کی آل کو رنجور کیا اُمّت نے
پھر بھی ہیں آپ مہربان محمد ؐ عربی
Aapؐ ki aal ko ranjoor kiya ummat ne
Phir bhi hain aap mehrban Muhammadؐ Arabi
کاش اولادِ علی سے بھی وفا کی ہوتی
لوگ ہیں اب بھی پشیمان محمدؐ عربی
Kaash aulad-e-Ali se bhi wafa ki hoti
Log hain ab bhi pasheman Muhammadؐ Arabi
Share This Naat
Share with friends and family
وجہ تسکین دل و جان محمدؐ عربی
عبد المجید چٹھہ