اُن کی یاد آئی تو بھر آئے سحابِ مژگاں
کُھل کے برسا ہے مرے قلب پہ آبِ مژگاں
Un ki yaad aai to bhar aaye sahab-e-mizhgaan
Khul ke barsa hai mere qalb pe aab-e-mizhgaan
ایک دیدار کی اُمید سے نکہت لے کر
کِھل سے جاتے ہیں سرِ شام گُلابِ مژگاں
Ek deedaar ki umeed se nikhat le kar
Khilan se jaate hain sar-e-shaam gulaab-e-mizhgaan
کوئے انوار سے اک ناقہ سوار آئیں گے
بس اُنہی کے لئے وا رہتا ہے بابِ مژگاں
Koo-e-anwaar se ek naaqa-sawaar aayenge
Bas unhi ke liye wa rahta hai baab-e-mizhgaan
اک تصوّر ہے جسے اور کوئی دیکھ نہ لے
اُس پہ رکھتا ہوں میں ہر وقت حِجابِ مژگاں
Ek tasavvur hai jise aur koi dekh na le
Us pe rakhta hoon main har waqt hijaab-e-mizhgaan
اِس کا مقصُود ہے اک شہرِ معطّر کا طواف
بس اِسی شوق میں بہتا ہے چنابِ مژگاں
Is ka maqsood hai ek shehar-e-moattar ka tawaaf
Bas isi shauq mein behta hai chenaab-e-mizhgaan
موڑ مُڑتے ہی پڑی گنبدِ اخضر پہ نظر
ایک ہی پل میں سوا ہو گئی تابِ مژگاں
Modd murte hi pari gumbad-e-akhzar pe nazar
Ek hi pal mein sawa ho gayi taab-e-mizhgaan
اِک نہ اِک روز تو تعبیر اسے چُومے گی
ایک دیدار کی حسرت میں ہے خوابِ مژگاں
Ik na ik roz to tabeer ise choomegi
Ek deedaar ki hasrat mein hai khwab-e-mizhgaan
کتنا رویا ہُوں مدینے میں حُضُوری کے لئے
فردِ اعمال میں لکھا ہے حسابِ مژگاں
Kitna roya hoon madine mein huzoori ke liye
Fard-e-aamal mein likha hai hisaab-e-mizhgaan
قلبِ اشفاق کے ابلق پہ سواری کیجے
تھام کر بیٹھا ہُوں مُدّت سے رکابِ مژگاں
Qalb-e-Ashfaq ke ablaq pe sawaari kije
Thaam kar baitha hoon muddat se rikab-e-mizhgaan
Share This Naat
Share with friends and family
اُن کی یاد آئی تو بھر آئے سحابِ مژگاں
اشفاق احمد غوری