اُن کی مہک نے دِل کے غُنچے کِھلا دئیے ہیں
جس راہ چل گئے ہیں کُوچے بَسا دیے ہیں
Un ki mehak ne dil ke ghunche khila diye hain
Jis raah chal gaye hain kuche basa diye hain
جب آگئی ہیں جوشِ رحمت پہ اُن کی آنکھیں
جلتے بُجھا دیے ہیں روتے ہنسا دیے ہیں
Jab aagai hain josh-e-rehmat pe un ki aankhen
Jalte bujha diye hain rote hansa diye hain
اِک دل ہمارا کیا ہے آزار اس کا کتنا
تم نے تو چلتے پِھرتے مُردے جِلا دیے ہیں
Ik dil hamara kya hai azaar iska kitna
Tum ne to chalte phirte murde jila diye hain
ان کے نثار کوئی کیسے ہی رنج میں ہو
جب یاد آگئے ہیں سب غم بُھلا دیے ہیں
Un ke nisar koi kaise hi ranj mein ho
Jab yaad aagay hain sab gham bhula diye hain
ہم سے فقیر بھی اب پھیری کو اُٹھتے ہوں گے
اب تو غنی کے دَر پر بِستر جما دیے ہیں
Hum se faqeer bhi ab phehri ko uthte honge
Ab to ghani ke dar par bistar jama diye hain
اَسرا میں گزرے جس دم بیڑے پہ قُدسیوں کے
ہونے لگی سَلامی پرچَم جھکا دیے ہیں
Asra mein guzray jis dam beyray pe qudsiyon ke
Honay lagi salami parcham jhuka diye hain
آنے دو یا ڈُبو دو اب تو تمہاری جانِب
کَشتی تمہیں پہ چھوڑی لنگر اُٹھا دیے ہیں
Ane do ya doobo do ab to tumhari janib
Kashti tumhein pe chhodi langar utha diye hain
دُولہا سے اِتنا کہہ دو پیارے سُواری روکو
مشکل میں ہیں براتی پُرخار بادیے ہیں
Dulha se itna keh do pyare suwari roko
Mushkil mein hain barati purkhar badiye hain
اللہ کیا جہنّم اب بھی نہ سَرد ہوگا
رو رو کے مصطفیٰ نے دریا بہا دیے ہیں
Allah kya jahannam ab bhi na sard hoga
Roo roo ke Mustafa ne darya baha diye hain
میرے کریم سے گر قطرہ کِسی نے مانگا
دریا بہا دیے ہیں دُر بے بہا دیے ہیں
Mere Karim se gar qatra kisi ne manga
Darya baha diye hain dur be baha diye hain
مُلکِ سُخَن کی شاہی تم کو رضاؔ مُسلَّم
جس سَمْت آ گئے ہو سِکّے بٹھا دیے ہیں
Mulk-e-sukhan ki shahi tum ko Raza musallam
Jis samt aa gaye ho sikkey bitha diye hain
Share This Naat
Share with friends and family
اُن کی مہک نے دِل کے غُنچے کِھلا دئیے ہیں
احمد رضا خان بریلوی