تو شاہِ خوباں، تو جانِ جاناں، ہے چہرہ اُم الکتاب تیرا
نہ بن سکی ہے، نہ بن سکے گا، مثال تیری جواب تیرا
Tu Shah-e-Khubaan, tu Jaan-e-Jaanan, hai chehra Um-ul-Kitab tera
Na ban saki hai, na ban sake ga, misaal teri jawaab tera
تو سب سے اول، تو سب سے آخر، ملا ہے حسنِ دوام تجھ کو
ہے عمر لاکھوں برس کی تیری، مگر ہے تازہ شباب تیرا
Tu sab se awwal, tu sab se aakhir, mila hai husn-e-dawam tujh ko
Hai umr laakhon baras ki teri, magar hai taaza shabaab tera
خدا کی غیرت نے ڈال رکھے ہیں تجھ پہ ستر ہزار پردے
جہاں میں بن جاتے طُور لاکھوں جو اک بھی اٹھتا حجاب تیرا
Khuda ki gherat ne daal rakhe hain tujh pe satar hazaar parday
Jahan mein ban jaate Toor laakhon jo ek bhi utta hijab tera
ہو مشک و امبر، یابوئے جنت، نظر میں اس کی ہے بے حقیقت
ملا ہے جس کو، مَلا ہے جس نے پسینہ رشک گلاب تیرا
Ho mushk o anbar, ya bu-e-jannat, nazar mein us ki hai be haqeeqat
Mila hai jis ko, mila hai jis ne paseena rashk gulaab tera
میں تیرے حُسن وبیاں کے صدقے، میں تیری میٹھی زبان کے صدقے
با رنگِ خوشبو دلوں پہ اترا ہے کتنا دلکش خطاب تیرا
Main tere husn o bayaan ke sadqay, main teri meethi zubaan ke sadqay
Ba rang-e-khushbu dilon pe utra hai kitna dilkash khitaab tera
ہے تو بھی صائم عجیب انساں کہ خوف محشر سے ہے ہراساں
ارے تو جن کی ہے نعت پڑھتا وہی تو لینگے حساب تیرا
Hai tu bhi Sa'im ajeeb insaan ke khauf mahshar se hai haraasaan
Are tu jin ki hai naat parhta wahi to lain gay hisaab tera
Share This Naat
Share with friends and family
تو شاہِ خوباں، تو جانِ جاناں
علامہ صائم چشتی