ٹر گئے جانی دلاں دے مکدیاں نئیں زاریاں
یاد کر کر روندیاں پیاں نے سیاں ساریاں
Tar gae jani dila de makdiya ni zariya
Yaad kar kar rondiya paiya ne siya sariya
آخری دم تک وفاواں کر دے گئے نے جس طراں
نال ایہناں دے نبھاواں گے اسیں وی یاریاں
Akhri dam tak wafawa kar de gae ne jis tara
Naal ehnan de nbhawa ge asan vi yariya
مٹھیاں مٹھیاں بولیاں اوہ بولدا ای ٹر گیا
کون ساڈے غم دیاں آ کے کرے غمخواریاں
Mithiya mithiya boliya oh bolda e tar gaya
Kon sade gham diya a ke kare ghamkhwariya
کر گیوں توں محفلاں اج ساڈیاں سنجیاں او یار
ٹرگیوں دے کے جدائیاں لا کے ضرباں کاریاں
Kar giyo tu mhflan aj sadya sanjiyan o yar
Targi de ke judaian la ke zarban karya
ریاض نے اوہدے رضا نوں پچھ کے دیکھو ذرا
کی ایہناں دے دل تے گذرے چلدیاں کنج آریاں
Riaz ne ohde raza nu puch ke dekho zara
Ki ehnan de dil te guzre chaldiyan kanj ariya
ساڈے پلے پے گئے عمراں دے رونے سنگیو
یار باہجوں کی کراں گے منزلاں نیں بھاریاں
Sade pale pe gae umran de rone sangiyo
Yar bahjo ki kara ge manzlan ni bhariya
کس طرح دیواں تسلی میں تیرے فاروق نوں
جپدیاں سی وقف تیرے لئی ایہہ خدمت گاریاں
Kis tara diwan tasali mein tere Farooq nu
Japdiya si wqf tere le ei eh khidmat gariya
کیہدیاں گلاں کراں میں کہدا کہدا نام لاں
تیرے سارے سنگیاں تیرے توں جاناں واریاں
Kehdiyan glan kara mein kehdan kehdan nam la
Tere sare sangiya tere tu jana wariya
میرے صوفی صاحب نے ساری حیاتی دوستو
محفلاں سوہنے نبی دے ناں دیاں شنگاریاں
Mere Sufi sahib ne sari hayati dosto
Mhflan sohne Nabi de nan diyan shangariya
توں سدا ڈنکے وجائے نے نبی دے نام دے
دسیا کیویں نبھائیاں جاندیاں نے یاریاں
Tu sada dnke wajaye ne Nabi de nam de
Dsiya kiven nbhaian jandiya ne yariya
اوہ طبیعت دا غنی سی اوہ سخی نواب سی
سی نواب الدین تھیں لائیاں جدوں دیاں یاریاں
Oh tbiyat da ghni si oh skhi nawab si
Si Nawab al Din than laiyan jado diya yariya
آکھ دے گئے نے نیازی صوفی صاحب رات دن
لا لئود اللہ نبی دے نال پکیاں یاریاں
Akh de gae ne Niazi Sufi sahib rat dn
La laiod Allah Nabi de nal pkia yariya
Share This Naat
Share with friends and family
ٹر گئے جانی دلاں دے مکدیاں نئیں زاریاں
عبدالستار نیازی