توں ایں شاہ کُل مدینے والیا
میں ہاں جاندا بُھل مدینے والیا
Toon ayn Shah-e-Kul Madinay Valya
Main haan jaanda bhul Madinay Valya
توں ایں لاڑا مُرسلاں دی جنج دا
کون تیرے تُل مدینے والیا
Toon ayn laarda Mursalan di janj da
Kon teray tul Madinay Valya
دونویں عالم وی تیرے اک وال دا
ہو نہیں سکدے مُل مدینے والیا
Donwain Aalam vi teray ik wal da
Ho nahi sakday mul Madinay Valya
میرے تڑفن نال زخم ہجر دے
جان ٹانکے کُھل مدینے والیا
Mere tarfan naal zakham hijr de
Jaan taanke khul Madinay Valya
فرش کی اے عرش اُتے وی رہے
تیرے جھنڈے جُھل مدینے والیا
Farsh ki ay Arsh utay vi rahay
Teray jhanday jhul Madinay Valya
ہو کے مدح خوان صائم آپ دا
انج ناں جاوے رُل مدینے والیا
Ho ke madh khawan Saaim aap da
Inj naa jaavay rul Madinay Valya
Share This Naat
Share with friends and family
توں ایں شاہ کُل مدینے والیا
علامہ صائم چشتی