ترےؐ دم سے کونین میں ہے اُجالا
ہمیں ظلمتوں سے ہے تو نے نکالا
Tereؐ dam se konain mein hai ujala
Humein zulmatoñ se hai tu ne nikala
تراؐ ذکر ارفع کیا ہے خدا نے
ہمیشہ رہے گا تراؐ بول بالا
Teraؐ zikr arfa kiya hai khuda ne
Hamesha rahe ga teraؐ bol bala
حلیمہؓ نے پالا ، مگر در حقیقت
نبیؐ نے حلیمہؓ کے کنبے کو پالا
Haleemaؓ ne pala, magar dar haqeeqat
Nabiؐ ne Haleemaؓ ke kunbe ko pala
پکارا ہے شاہِؐ مدینہ کو ہم نے
پڑا جب کسی بھی مصیبت سے پالا
Pukara hai shah-eؐ Madina ko hum ne
Para jab kisi bhi museebat se pala
وہی سرخرو ہو گیا جس نے خود کو
نبیؐ کی اطاعت کے سانچے میں ڈھالا
Wohi sar-khuro ho gaya jis ne khud ko
Nabiؐ ki ita'at ke sanche mein dhal
کرے التجا وہ شہِ دوسراؐ سے
گناہوں نے جس کو مصیبت میں ڈالا
Kare iltija woh shah-e dosraؐ se
Gunaahoñ ne jis ko museebat mein dala
اگر داغِ عشق محمدؐ ہے دل میں
لحد میں رہے گا ہمیشہ اُجالا
Agar daagh-e ishq-e Mohammadؐ hai dil mein
Lahad mein rahe ga hamesha ujala
سکت نعت کی گر نہیں ہے زباں میں
تو ہونٹوں پہ ڈالوں خموشی کا تالا
Sakata naat ki gar nahin hai zubaan mein
To hoñṭoñ pe daaloñ khamoshi ka tala
کرے گا نچھاور درِ مصطفیٰؐ پر
پروتا ہے اشفاقؔ لفظوں کی مالا
Kare ga nichawar dar-e Mustafaؐ par
Parota hai Ashfaqؔ lafzoñ ki mala
Share This Naat
Share with friends and family
ترےؐ دم سے کونین میں ہے اُجالا
اشفاق احمد غوری