تیری آمد ہے موت آئی ہے
جانِ عیسیٰ تیری دُہائی ہے
Teri aamad hai maut aayi hai
jaan-e-eisa teri duhai hai
کیوں وطن اپنا چھوڑ آئی ہے
کیوں سفر کی بلا اُٹھائی ہے
kyun watan apna chhor aai hai
kyun safar ki bala uthai hai
سیکڑوں آفتوں میں پھنسنے کو
کیوں بدن میں یہ جان آئی ہے
sekrro aafaton mein phansne ko
kyun badan mein ye jaan aai hai
اُن کے جلوے ہیں میری آنکھوں میں
اچھی ساعت سے موت آئی ہے
un ke jalwe hain meri aankhon mein
achi sa'at se maut aayi hai
تم کو دیکھا تو دَم میں دَم آیا
آپ آئے کہ جان آئی ہے
tum ko dekha to dam mein dam aaya
aap aaye ke jaan aayi hai
مر رہا تھا تم آئے جی اُٹھا
موت کیا آئی جان آئی ہے
mar raha tha tum aaye ji utha
maut kya aayi jaan aayi hai
اب تو آؤ کہ دم لبوں پر ہے
چہرے پر مردنی بھی چھائی ہے
ab to aao ke dam labon par hai
chehre par mardani bhi chhai hai
آئیے وقت ہے یہ آنے کا
دیکھ لیں سب کی جاں پھر آئی ہے
aaiye waqt hai ye aane ka
dekh le sab ki jaan phir aayi hai
زندگی میں نے پائی مر مر کے
میں نے جی جی کے موت پائی ہے
zindagi mein ne paai mar mar ke
mein ne ji ji ke maut paayi hai
زندگی کیا تھی جس میں موت آئی
زندگی بعدِ مرگ پائی ہے
zindagi kya thi jis mein maut aai
zindagi baad-e-marg paayi hai
موت کا اب نہیں ذرا کھٹکا
زندگی ُشبھ گھڑی سے پائی ہے
maut ka ab nahi zara khatka
zindagi shubh ghari se paayi hai
مرتے ہی زندگی ملی مجھ کو
موت کے ساتھ جان آئی ہے
marte hi zindagi mili mujh ko
maut ke saath jaan aayi hai
حسرتِ دِیدِ یار میں ہم نے
آج مر مر کے موت پائی ہے
hasrat-e-deed-e-yar mein hum ne
aaj mar mar ke maut paayi hai
جو حسیں دیکھا مر مٹا اس پر
میں نے مر کے حیات پائی ہے
jo haseen dekha mar mita us par
mein ne mar ke hayaat paayi hai
چین کی نیند آج سویا ہوں
موت آرام کی سلائی ہے
chain ki neend aaj soya hoon
maut aaraam ki salitaai hai
شامتوں نے تمہاری گھیرا ہے
موت تم کو یہاں پہ لائی ہے
shaamaton ne tumhari ghera hai
maut tum ko yahan pe laai hai
ذَبح کر ڈالا تو نے او ظالم
نفس تو تو نرا قصائی ہے
zabh kar daala to ne o zalim
nafs to to nara qasaai hai
طاعتِ حق کا نام سنتے ہی
تجھ کو کم بخت موت آئی ہے
ta'at-e-haq ka naam sunte hi
tujh ko kam bakht maut aai hai
معصیت زہر ہے مگر اوندھے
تو نے سمجھا اسے مٹھائی ہے
masiyat zehr hai magar oondhay
to ne samjha ise mithai hai
کیا بگاڑا تھا تیرا کیوں بگڑا
زہر کی پیالی کیوں پلائی ہے
kya bigaara tha tera kyun bigda
zehr ki pyaali kyun pilaai hai
اچھے جو کام کرنے ہیں کرلو
جان اپنی نہیں پرائی ہے
achhe jo kaam karne hain karlo
jaan apni nahi parai hai
نوریؔ ہرگز نہیں ہے تو ناری
موتِ اسلام تو نے پائی ہے
Noori harگز nahi hai tu naari
maut-e-islam to ne paayi hai
واہ کیا بات آپ کی نوریؔ
کیا ہی اچھی غزل سنائی ہے
wah kya baat aap ki Noori
kya hi achhi ghazal sunai hai
Share This Naat
Share with friends and family
تیری آمد ہے موت آئی ہے
مفتی مصطفٰی رضا خان