تیرے کوچے سے جس کا گزر ہو گیا
رحمتِ حق سے وہ بہرہ ور ہو گیا
Tere kooche se jis ka guzar ho gaya
Rehmat-e-Haq se woh beharwar ho gaya
چاند بدلی میں رُخ کو چھپانے لگا
حُسن تیرا جہاں جلوہ گر ہو گیا
Chaand badli mein ruk ko chhupane laga
Husn tera jahan jalwa gir ho gaya
مفلسی میرے آنگن سے رخصت ہوئی
ذکر تیرا مِرا چارہ گر ہو گیا
Muflasi mere aangan se rukhsat hui
Zikr tera mira chara gir ho gaya
پڑ گئی جب بھی پہ تیرے کرم کی نَظَر
ذرئہ خاک فورََا ہی زر ہو گیا
Par gayi jab bhi pa tere karam ki nazar
Zarra-e-khaak foran hi zar ho gaya
تیری ناموس پر پایا دار و رسن
جان دے کر وہ غازی امر ہو گیا
Teri naamoos par paya daar o rasan
Jaan de kar woh ghazi amar ho gaya
نعت سرکار جس کا وظیفہ ہوا
اس کا شعر و سخن معتبر ہو گیا
Naat Sarkar jis ka wazifa hua
Us ka she'r o sakhan mo'tabar ho gaya
اُن کی چوکھٹ پہ خم ہوگیا جو ‘ جلیل!
سارے عالم میں اونچا وہ سر ہو گیا
Un ki chaukhat pe kham ho gaya jo 'Jaleel!
Saare aalam mein ooncha woh sar ho gaya
Share This Naat
Share with friends and family
تیرے کوچے سے جس کا گزر ہو گیا
حافظ عبدالجلیل