طاری ہے اہلِ جبر پہ ہیبت حسین کی
اللہ رے یہ شانِ جلالت حسین کی
Taari hai ahl-e-jabr pe haibat Hussain ki
Allah re yeh shaan-e-jalaalat Hussain ki
کٹوا کے سر گواہیِ توحید دے گئے
بے مثل ہے جہاں میں شہادت حسین کی
Katwa ke sar gawahi-e-tauheed de gaye
Be-misl hai jahan mein shahadat Hussain ki
سُونگھی تھی لے کے ہاتھ میں دشتِ بلا کی خاک
ناناؐ کے سامنے تھی مصیبت حسین
Soonghi thi le ke haath mein dasht-e-bala ki khaak
Nana ke saamne thi museebat Hussain
کرتے قبول بیعتِ فاسق وہ کس طرح
دستِ محمّدی پہ تھی بیعت حسین کی
Karte qubool bai'at-e-faasiq wo kis tarah
Dast-e-Mohammadi pe thi bai'at Hussain ki
پیشِ نظر حُصول نہ تھا تخت و تاج کا
تھی ظلم کے خلاف بغاوت حسین کی
Pesh-e-nazar husool na tha takht-o-taaj ka
Thi zulm ke khilaaf baghawat Hussain ki
نرمی وہی خلوص وہی سادگی وہی
ملتی تھی مصطفیٰؐ سے طبیعت حسین کی
Narmi wahi khuloos wahi saadgi wahi
Milti thi Mustafa se tabiyat Hussain ki
محشر میں اجتماع کا یہ اہتمامِ خاص
شاید دکھائی جائے گی صورت حسین کی
Mahshar mein ijtimaa ka yeh ihtemaam-e-khaas
Shayad dikhai jaaye gi soorat Hussain ki
کل بھی دلوں پہ راج تھا زھرا کے لا ل کا
ہے آج بھی دلوں پہ حُکومت حسین کی
Kal bhi dilon pe raaj tha Zahra ke laal ka
Hai aaj bhi dilon pe hukumat Hussain ki
اظہار حرفِ حق پہ ہیں پہرے لگے ہوئے
محسوس ہو رہی ہے ضُرورت حسین کی
Izhaar harf-e-haq pe hain pehray lage hue
Mehsoos ho rahi hai zarurat Hussain ki
جو اُن پہ مر مٹا وہی ٹھہرے گا سر خرو
محشر میں رنگ لائے گی نسبت حسین کی
Jo un pe mar mita wahi thehray ga sar khur
Mahshar mein rang laaye gi nisbat Hussain ki
رکھتے ہیں اپنی یاد سے آباد میرا دل
ہے مجھ پہ یہ نصیؔر عنایت حسین کی
Rakhte hain apni yaad se abaad mera dil
Hai mujh pe yeh Naseer inayat Hussain ki
نکلا وہ ذُوالجناح عَلَم کے جُلُوس میں
کرلو نصیؔر بڑھ کے زیارت حسین کی
Nikla wo Zuljanah alam ke jaloos mein
Karlo Naseer barh ke ziarat Hussain ki
Share This Naat
Share with friends and family
طاری ہے اہلِ جبر پہ ہیبت حسین کی
سید نصیرالدیں نصیر