تَبشیر بَہ فیضِ عام ہوئی ،ترویجِ سخا معراج کی شب
تَکلیم بہ رمزِ خاص ہوئی ،تکمیلِ عطا معراج کی شب
Tabshir bah faiz-e-aam hui, tarweej-e-sakha mairaj ki shab
Takleem bah raaz-e-khaas hui, takmeel-e-ata mairaj ki shab
ہیں ارض و سما مہکے مہکے نکھری ہے فضا معراج کی شب
محبوب کی عرش پہ دعوت ہے اک نور اٹھا معراج کی شب
Hain arz-o-sama mehkay mehkay, nikhri hai fizaa mairaj ki shab
Mahboob ki arsh pe dawat hai ik noor utha mairaj ki shab
چہرے پہ نچھاور ہونے کو سنورے ہیں نجوم و شمس و قمر
اور زلف کو چومنے چھائی ہے رحمت کی گھٹا معراج کی شب
Chehray pe nichhawar hone ko sanwaray hain njoom o shams o qamar
Aur zulf ko choomne chhai hai rehmat ki ghata mairaj ki shab
در خلدِ تقرب گھوم لیا ، محبوب کا تلوا چوم لیا
جبریل امیں ! تو نے بھی مزہ کیا خوب لیا معراج کی شب
Dar khuld-e-taqarub ghoom liya, mahboob ka talwa choom liya
Jibreel ameen! tu nay bhi maza kya khoob liya mairaj ki shab
زمزم سے دِلِ شہ دھویا گیا اور علم کو اس میں سمویا گیا
دیدار کے بیج کو بویا گیا ماشاءاللہ معراج کی شب
Zamzam se dil-e-sheh dhoya gaya aur ilm ko is mein somoya gaya
Deedar ke beej ko boya gaya ma Sha Allah mairaj ki shab
در صورتِ شاہِ حسن و خِرد ، میں دیکھ لوں جلوۂِ ذاتِ احد
تکرارِ کلیمی کا مقصد کیا خوب رہا معراج کی شب
Dar soorat-e-Shaah-e-husn o khird, mein dekh loon jalwa-e-zaat-e-Ahad
Takraar-e-kaleemi ka maqsad kya khoob raha mairaj ki shab
نکلا جو حدودِ کثرت سے ، جا پہنچا دَنٰی کی گودی میں
وحدت کے سمندر میں بجرا وہ غرق ہوا معراج کی شب
Nikla jo hudood-e-kasrat se, ja pohancha dana ki godi mein
Wahdat ke samundar mein bajra woh gharq hua mairaj ki shab
افلاک کُھلے ،دیدار ہوا ،اور سارا نظامِ خلق رُکا ،
اے سرورِ عالم تیرے لیے کیا کیا نہ ہوا معراج کی شب
Aflak khule, deedar hua, aur sara nizaam-e-khalq ruka,
Ay sarwar-e-aalam tere liye kya kya na hua mairaj ki shab
در قربتِ خاص حضوری ہوئی ،ہر عرض نبی کی پوری ہوئی،
کیا خوب ہےفضلِ خداوندی بخشش پہ تُلا معراج کی شب
Dar qurbat-e-khaas huzoori hui, har arz nabi ki poori hui,
Kya khoob hai fazl-e-Khudawandi bakhshish pe talla mairaj ki shab
موسیٰ کے وسیلے سے گرچہ امّت کی نمازیں پانچ ہوئیں
پچاس کا پھر بھی اجر رہا ، وعدہ یہ ہوا معراج کی شب
Musa ke waseelay se garche ummat ki namazen paanch hueen
Pachas ka phir bhi ajr raha, waada yeh hua mairaj ki shab
کیا گنبدِ بے در کُھلتا ہے ؟ کیا پل میں ایسا ہوتا ہے ؟
سُبحان نے سیر کرائی جب مشکل نہ رہا معراج کی شب
Kya gunbad-e-bay dar khulta hai? Kya pal mein aisa hota hai?
Subhan ne sair karai jab mushkil na raha mairaj ki shab
شانوں پہ تِرے اے اُمّی لقب ! رکّھا گیا دستِ قدرتِ رب
ہر شے کو تو پھر اے شاہِ عرب !پہچان گیا معراج کی شب
Shanon pe tire Ay Ummi laqab! rakkha gaya dast-e-qudrat-e-Rabb
Har shay ko tu phir Ay Shaah-e-Arab! pehchaan gaya mairaj ki shab
اس رب کو دیکھنے والے کا جس رات میں جلوہ دیکھوں گا
وہ رات معظمؔ ! میرے لیے ہوگی بخدا معراج کی شب
Is Rabb ko dekhne wale ka jis raat mein jalwa dekhunga
Woh raat Ma'azum! mere liye hogi bakhuda mairaj ki shab
Share This Naat
Share with friends and family
تَبشیر بَہ فیضِ عام ہوئی
معظم سدا معظم مدنی