سُنئے اے سرکار ہمارے
ہند میں کیا کریں ہم بیچارے
Suniye aye Sarkar Humare
Hind mein kya karein hum bechare
درد و الم نے گھیرا ہم کو
کیا کریں ہم آفت کے مارے
Dard o alam ne ghera hum ko
Kya karein hum aafat ke mare
آپ کے ہیں ہم سارے مُسلماں
بگڑے مقدر کون سنوارے
Aap ke hain hum saare musalman
Bigre muqaddar kaun sanware
دیکھ رہے ہیں حال ہمارا
فرش کے ذرّے چرخ کے تارے
Dekh rahe hain haal humara
Farsh ke zarre charakh ke tare
دیکھ نہ پائے ارضِ مقدس
اپنی کوشش ہم کر ہارے
Dekh na paaye arz-e-muqaddas
Apni koshish hum kar hare
اب ہے سفینہ بیچ بھنور میں
اس کو لگائے کون کنارے
Ab hai safeena beech bhanwar mein
Is ko lagaye kaun kinare
آپ کا ہے بہزؔاد فسردہ
اور کو کیوں بہزؔاد پُکارے
Aap ka hai Behzad fasurda
Aur ko kyun Behzad pukare
Share This Naat
Share with friends and family
سُنئے اے سرکار ہمارے
بہزاد لکھنوی