سلطانِ جہاں محبوبِ خدا تری شان و شوکت کیا کہنا
ہر شے پہ لکھا ہے نام ترا ترے ذِکر کی رِفعت کیا کہنا
Sultan-e-jahan mehbub-e-khuda teri shan o shaukat kya kehna
Har shay pe likha hai naam tera tere zikr ki rif'at kya kehna
ہے سرپر تاج نبوت کا جوڑا ہے تن پہ کرامت کا
سہرا ہے جبیں پہ شفاعت کا اُمت پہ ہے رحمت کیا کہنا
Hai sar par taj-e-nabuwat ka jora hai tan pe karam ka
Sehra hai jabin pe shafaat ka ummat pe hai rehmat kya kehna
اِنَّا اَعْطَیْنٰکَ الْکَوْثَرفرمائے ترے حق میں داوَر
وَحدت کا کیا تجھ کو مَظْہَر اور دی ہے کثرت کیا کہنا
Inna a'tainaka al-kawthar farmaaye tere haq mein dawar
Wahdat ka kya tujh ko mazhar aur di hai kasarat kya kehna
معراج ہوئی تا عرش گئے حق تم سے ملا تم حق سے ملے
سب رازِ فاوحٰیدِل پہ ُکھلے یہ عزت و حشمت کیا کہنا
Miraj hui ta arsh gaye haq tum se mila tum haq se mile
Sab raaz-e-fa'ohidil pe khule yeh izzat o hushmat kya kehna
حوروں نے کہا سُبْحٰنَ اللہ غلماں نے پکارا صَلَّی اللہ
اور قدسی بولے اِلَّا اللہ ہے عرش پہ دعوت کیا کہنا
Hooron ne kaha subhan Allah ghulman ne pukara salla Allah
Aur qudsi bole illa Allah hai arsh pe dawat kya kehna
قرآن کلام باری ہے اور تیری زباں سے جاری ہے
کیا تیری فصاحت پیاری ہے اور تیری بلاغت کیا کہنا
Quran kalam-e-bari hai aur teri zuban se jari hai
Kya teri fasahat pyari hai aur teri balaghat kya kehna
باتوں سے ٹپکتی لذت ہے آنکھوں سے برستی رحمت ہے
خطبے سے چمکتی ہیبت ہے اے شاہِ رِسالت کیا کہنا
Baton se tapakti lazat hai aankhon se barasti rehmat hai
Khutbe se chamakti haibat hai ae shah-e-risalat kya kehna
سب مثلِ ہتھیلی پیشِ نظر ہر غیب عیاں ہے سینے پر
یہ نورِ نظر یہ چشمِ بصر یہ علم و حکمت کیا کہنا
Sab misal-e-hatheli pesh-e-nazar har ghaib aya hai seene par
Yeh noor-e-nazar yeh chashm-e-basr yeh ilm o hikmat kya kehna
ہو حسن نبی کی کیسے صفت جس کی ہے خدا کو بھی چاہت
وَالشَّمْسِ چمک طٰہٰ رنگ پھر اس میں ملاحت کیا کہنا
Ho husn-e-nabi ki kaise sifat jis ki hai khuda ko bhi chahat
Wash-shams chamak ta-ha rang phir us mein malahiyat kya kehna
ہر ذَرَّہ ترا دیوانہ ہے ہر دل میں ترا کاشانہ ہے
ہر شمع تیری پروانہ ہے اے شمعِ ہدایت کیا کہنا
Har zarra tera deewana hai har dil mein tera kashana hai
Har shama teri parwana hai ae shama-e-hidayat kya kehna
صدیق و عمر عثمان و علی اور ان کے سوا اَصحابِ نبی
قربان رہے آقا پہ سبھی کی خوب رَفاقت کیا کہنا
Siddiq o Umar Usman o Ali aur un ke siwa ashaab-e-nabi
Qurban rahe aqa pe sabhi ki khoob rafaqat kya kehna
صدیق ہیں جان صداقت کی فاروق ہیں شان عدالت کی
عثمان ہیں کان مروَّت کی حیدر کی وِلایت کیا کہنا
Siddiq hain jan sadiqat ki farooq hain shan adalat ki
Usman hain kan muruwwat ki Haider ki wilayat kya kehna
دو پھول بتولی گلشن کے اِک سبز ہوئے اِک سرخ ہوئے
بغداد و عرب جن سے مہکے اُن پھولوں کی نکہت کیا کہنا
Do phool Batool-e-gulshan ke ek sabz hue ek surkh hue
Baghdad o arab jin se mehkay un phoolon ki nihat kya kehna
گیسوئے کرم کھل جائیں اگر رحمت کی گھٹا برسے جم کر
پیاسے یہ کہیں خوش ہو ہو کر اے اَبرِ رحمت کیا کہنا
Gesu-e-karam khul jaayein agar rehmat ki ghata barse jam kar
Pyaase yeh kahen khush ho ho kar ae abr-e-rehmat kya kehna
آنکھوں سے کیا دَریا جاری اور لب پہ دُعا پیاری پیاری
رو رو کے گزاری شب ساری اے حامیِ اُمت کیا کہنا
Aankhon se kya darya jari aur lab pe dua pyari pyari
Ro ro ke guzari shab sari ae hami-e-ummat kya kehna
عالم کی بھریں ہر دَم جھولی خود کھائیں تو بس جو کی روٹی
وہ شان عطا و سخاوت کی یہ زہد و قناعت کیا کہنا
Aalam ki bharein har dam jhuli khud khayein to bas jo ki roti
Woh shan ata o sakhawat ki yeh zuhd o qanat kya kehna
شہرت ہے جمیلؔ اتنی تیری یہ سب ہے کرامت مرشد کی
کہتے ہیں تجھے مَدَّاحِ نبی سب اہلسنّت کیا کہنا
Shohrat hai Jamil itni teri yeh sab hai karamat murshid ki
Kehte hain tujhe maddah-e-nabi sab ahle-sunnat kya kehna
Share This Naat
Share with friends and family
سلطانِ جہاں محبوبِ خدا تری شان و شوکت کیا کہنا
جمیل الرحمن قادری