سورج چن ستارے لشکاں مار دے نے
ایہہ سب جلوے طیبہ دی سرکار دے نے
Sooraj chan staaray lishkan maar dain nay
Eih sabijalway taiba di sarkar de nay
توں تے کی ایں جھلیا سارے مُرسل وی
منگتے میرے مدنی دے دربار دے نے
Toon tay kee ain jhaliya saaray mursal vi
Mangtay meray madni dey darbar dey nay
نبی دی شان کی پُچھدا ایں اوہدے خادم وی
ڈبے ہوئے بیڑے جگ دے تار دے نے
Nabi di shaan ki puchhda ain ohaday khadim vi
Dubay howay bairay jag day taar dey nay
دھرتی کی اے اسماناں تے عرشاں تے
جھنڈے جھلدے نبیاں دے سردار دے نے
Dharti ki aye asmanan tay arshan tay
Jhanday jhalday nibiyaan day sardar dey nay
دل اصحاب دے جس سوہنے نے موہ لئے سی
آج وی اس توں عاشق جاناں وار دے نے
Dil ashab day jis sohnay nay moh liay si
Aaj vi us toon aashiq jaanaan waar dey nay
اسیں جو کٹھے ہو کے ایتھے بہہ گئے آں
سب اعجاز نبی دے سچے پیار دے نے
Assin jo kathay ho kay aithay bahi gaye aan
Sab aijaz nabi day sachay piyaar dey nay
ایہناں کولوں نفرت تینوں ملنی نہیں
ایہہ سب عاشق علی تے یارِ غار دے نے
Eihna kollon nafrat tainoon milni nahi
Eih sab aashiq Ali tay yaar e gharr dey nay
کملی والیا سوہنیا آپ اُتاری جا
بھار جو بھارے صائم اوگنہار دے نے
Kamli walya sohnya aap utari ja
Bhaar jo bhaaare saim ogunhaar dey nay
Share This Naat
Share with friends and family
سورج چن ستارے لشکاں مار دے نے
علامہ صائم چشتی