سوہنا اسم اوہدا اُچّا خُلق اوہدا ، نوری نسب اوہدا، عالی حسب اوہدا
اوہ سردار پیغمبراں ساریاں دا صفتاں اوہدیاں کردا اے رب اوہدا
Sohna ism ohda ucha khulq ohda, noori nasb ohda, aali hasb ohda
Oho sardar paygambarain sariyaan da siftaan ohdiyan karda ae rab ohda
نور اوّل تے اوہدا ظہور آخر ، اوہدی ہوسی ہر دور وچ شان ظاہر
اوہدی واز توں واز نہ کرو اُچّی رب ایہہ حکم دے کے دسیا ادب اوہدا
Noor awal te ohda zahoor akhir, ohdi husi har dor vich shaan zahir
Ohdi waaz ton waaz na karo uchi rab eh hukm de ke dasya adab ohda
اوہ رؤف وی اے تے رحیم وی اے اوہ بشیر ویّ اے تے نذیز وی اے
ودھ کے جاناں توں اوہ اے مومناں لئی کیوں نہ دم ہر دم بھرن سب اوہدا
Oh rauf vi ae te raheem vi ae oh basheer vi ae te nazeer vi ae
Vadh ke jaana ton oh ae mominaan laee kyon na dam har dam bharan sab ohda
ربی معرفت اوہدی اے اصل پونجی حُبّ اوہدی بنیا د تے حزن سنگی
اوہدی عاجزی مان تران اوہدا ، شہر علم دا اوہ اُمیّ لقب اوہدا
Rabi maarfat ohdi ae asal punji hub ohdi banyaad te huzn sangi
Ohdi aajzi maan taran ohda, shahr ilm da oh ummi laqab ohda
Share This Naat
Share with friends and family
سوہنا اسم اوہدا اُچّا خُلق اوہدا ،
حفیظ تائب