’’شبِ سیہ میں دیا جلایا مرے نبی نے مرے نبی نے‘‘
تمام عالم میں نُور بانٹا مرے نبی نے مرے نبی نے
"Shab-e-seyah mein diya jalaya meray Nabi ne meray Nabi ne"
Tamam Alam mein Noor baanta meray Nabi ne meray Nabi ne
وہ کُفر و الحاد کے جو پنجے زمانے بھر میں گڑےہوئے تھے
جڑوں سے اُن کو اُکھاڑ پھینکا مرے نبی نے مرے نبی نے
Woh kufr o ilhad ke jo panjay zamanay bhar mein g'r'e huay thay
Jadon se un ko ukhar phenka meray Nabi ne meray Nabi ne
وہ دین جن کا تھا بُت پرستی ، سمجھتے کیسے خُدا کی ہستی
یہ سیدھا رستہ اُنہیں دکھایا مرے نبی نے مرے نبی نے
Woh deen jin ka tha but parasti, samajhtay kaise Khuda ki hasti
Yeh seedha rasta unhein dikhaya meray Nabi ne meray Nabi ne
یہ مان لیں گے کہ تُو نبی ہے ، یہ بولے کافر قمر جو توڑے
تو اک اشارے سے توڑ ڈالا مرے نبی نے مرے نبی نے
Yeh maan lenge ke tu Nabi hai, yeh bolay kafir qamar jo toray
To ik ishare se tor dala - meray Nabi ne meray Nabi ne
تھی خاکِ یثرب،مَرَض سراسر ، قُدومِ اقدس کی برکتوں سے
اُسی کو خاکِ شفا بنایا مرے نبی نے مرے نبی نے
Thi khaak-e-Yasrab, maraz sarasar, qudoom-e-Aqdas ki barkaton se
Usi ko khaak-e-shifa banaya meray Nabi ne meray Nabi ne
وہ جس کی شاخیں جہان بھر پر رہیں گی سایہ فگن ہمیشہ
شجر وہ اسلام کا لگایا مرے نبی نے مرے نبی نے
Woh jis ki shakhain jahan bhar par rahengi saya fagan hamesha
Shajar woh Islam ka lagaya meray Nabi ne meray Nabi ne
پہنچ کے سدرہ پہ رُک گئے تھے جنابِ جبریل کی یہ حد تھی
وہاں سے آگے کا فیض پایا مرے نبی نے مرے نبی نے
Pohanch ke sidrah pe ruk gaye thay janab-e-Jibrail ki yeh had thi
Wahan se aage ka faiz paaya meray Nabi ne meray Nabi ne
فرشتے دوزخ کو لے چلے تھے ، وہاں پہ کر کے مری شفاعت
مجھے جہنم سے آ بچایا مرے نبی نے مرے نبی نے
Farishtay dozakh ko le chale thay, wahan pe kar ke meri shafaat
Mujhe jahannum se aa bachaya meray Nabi ne meray Nabi ne
صحابیوں نے یہ کی شکایت کہ دیکھیں سرکار شدّتِ جُوع
بندھے تھے پتھر شکم دکھایا مرے نبی نے مرے نبی نے
Sahabiyon ne yeh ki shikayat ke dekhen Sarkar shiddat-e-joo'
Bandhay thay pathar shak'm dikhaya meray Nabi ne meray Nabi ne
سبھی صحابہ کو تھا پرویا جہاں اخوّت کی اک لڑی میں
وہاں علی کو ’’اخی‘‘ بنایا مرے نبی نے مرے نبی نے
Sabhi sahaba ko tha projya jahan akhowat ki ik lari mein
Wahan Ali ko "Akhi" banaya meray Nabi ne meray Nabi ne
صدّیقِ اکبر ، عُمَر بہادر ، غنی و حیدر بلال و بو زر
سبھی کو لعل و گہر بنایا مرے نبی نے مرے نبی نے
Siddiq-e-Akbar, Umar bahadur, Ghani o Haider Bilal o Bo Zar
Sabhi ko laal o gohar banaya meray Nabi ne meray Nabi ne
بلالِ حبشی ، صُہیبِ رُومی ، بنے زماں کےامامِ برحق
کہ اک نظر سے جنہیں نوازا ، مرے نبی نے مرے نبی نے
Bilal-e-Habshi, Suhaib-e-Roomi, banay zaman ke Imam-e-barhaq
Ke ik nazar se jinhein nawaza, meray Nabi ne meray Nabi ne
تم اُس کی شانِ عُلٰی نہ پوچھو ، وہ ابنِ حیدر، حُسین جس کو
بٹھا کے شانوں پہ خود گُھمایا مرے نبی نے مرے نبی نے
Tum us ki shan-e-Ula na poochho, woh ibn-e-Haider, Hussain jisko
Bitha ke shanon pe khud ghumaya meray Nabi ne meray Nabi ne
یہ آ کے پُوچھا اَبُوجَہَل نے ، بتا یہ مٹھی میںبند کیا ہے
عجب کرشمہ سا کر دکھایا مرے نبی نے مرے نبی نے
Yeh aa ke poocha Abu Jahl ne, bata yeh muthi mein band kya hai
Ajab karishma sa kar dikhaya meray Nabi ne meray Nabi ne
چُھپے تھے دستِ اَبُو جَہَل میں وہ کلمہ پڑھنے لگے تھےکنکر
پیامِ حق یُوں اُسے سنایا مرے نبی نے مرے نبی نے
Chupay thay dast-e-Abu Jahl mein woh kalma parhne lage thay kankar
Payam-e-haq yun usay sunaya meray Nabi ne meray Nabi ne
جنہیں زمانے میں ہر کسی نے حقیر جانا ، پرے بھگایا
جلیل، اُن کو گلے لگایا مرے نبی نے مرے نبی نے
Jinhein zamanay mein har kisi ne haqeer jana, paray bhagaya
Jaleel, un ko galay lagaya meray Nabi ne meray Nabi ne
Share This Naat
Share with friends and family
شبِ سیہ میں دیا جلایا مرے نبی نے
حافظ عبدالجلیل