سینکڑوں سال ہُوئے جب نہ مِلا تھا پانی
آج تک ہے لَبِ شبیّر کا پیاسا پانی
senkrro saal hue jab na mila tha pani
aaj tak hai lab-e-shabbir ka pyasa pani
کربلا سامنے آتی جو وہ لاشے لے کر
آنکھ تو آنکھ ہے پتّھر سے بھی رِستا پانی
karbala samne aati jo wo lashe le kar
aankh to aankh hai pattar se bhi rishta pani
کیسی بَستی میں محمّد ؐ کا مُسافر ٹھہرا
دُھوپ خَیمہ تھی ، دری ریت ، نظارا پانی
kaisi basti mein Muhammad ﷺ ka musafir thehra
dhoop khaima thi, dari ret, nazara pani
تشنگی اُس کی سمندر کو بلا سکتی تھی
کاٹ سکتا تھا وُہ تلوار سے چَلتا پانی
tashnagi us ki samundar ko bula sakti thi
kaat sakta tha wo talwar se chalta pani
کِس کے سر فتح کا تارِیخ نے سہرا باندھا
سرخرو کون ہے دونوں میں لہُو یا پانی ؟
kis ke sar fath ka tareekh ne sehrra bandha
surkhuro kon hai dono mein lahoo ya pani?
مَوت کے گھاٹ اُترتے ہی رہیں گے پیاسے
جب تک اِس دجلہ ء دُنیا میں رہے گا پانی
maut ke ghaat utartay hi rayenge pyase
jab tak is dajla-e-duniya mein rahega pani
جب بھی ذکرِ شہداء دِل نے مظفّرؔ چھیڑا
آنکھ اِک زخم بنی زخم سے ٹپکا پانی
jab bhi zikr-e-shuhada dil ne Muzaffar chheda
aankh ik zakhm bani zakhm se tapka pani
Share This Naat
Share with friends and family
سینکڑوں سال ہُوئے جب نہ مِلا تھا پانی
مظفر وارثی