سرزمینِ باولی فیضان ہی فیضان ہے
میرے خواجہ خانِ عالمؒ کا نگر ذیشان ہے
Sarzameen-e-Bawali faizaan hi faizaan hai
Mere khawaja khan-e-aalamؒ ka nagar zeeshan hai
مرکزِ انوار بحرِ عشق طورِ سالکاں
یہ درِ دولت تصوف آگہی عرفان ہے
Markaz-e-anwaar bahr-e-ishq toor-e-salikan
Yeh dar-e-dawlat tasawuf aagahi irfaan hai
بارگاہِ مصطفیؐ بس اک حوالہ آپ کا
بیعتِ ـعشقِ نبیؐ ہی آپ کا عنوان ہے
Baargaah-e-Mustafaؐ bas aik hawala aap ka
Bay'at-e-ishq-e-Nabiؐ hi aap ka unwan hai
نقشبندی فیض کے ابرِ کرم اتنا برس
دل کی کھیتی لہلہا اُٹھے بہت ویران ہے
Naqshbandi faiz ke abr-e-karam itna baras
Dil ki kheti lehlaha uthay bohot veeran hai
پست فہموں اور طلب گارانِ دنیا کو حضور
نسبتِ دربار دینا آپ کا احسان ہے
Past fahmoon aur talab gaaran-e-duniya ko huzoor
Nisbat-e-darbaar dena aap ka ehsaan hai
’’یہ رہے نازاں مری نسبت پہ مولا بخش دے ‘‘
آپ کہہ دیں روزِ محشر بس یہی ارمان ہے
"Yeh rahay nazan meri nisbat pe Moula baksh de"
Aap keh dein roz-e-mahshar bas yahi armaan hai
کوئی کیا اندازہ کر سکتا ہے تیرے اوج کا
تیرے درویشوں پہ بھی چشمِ فلک حیران ہے
Koi kya andaaza kar sakta hai tere ouj ka
Tere darveshon pe bhi chashm-e-falak hairaan hai
اے فنائے عشقِ آقاؐ اے بقا کے راہبرؐ
جو ترے قدموں میں آجائے وہی سلطان ہے
Ae fana-e-ishq-e-aqaؐ ae baqa ke rahbarؐ
Jo tere qadmoon mein aa jaye wohi sultan hai
استقامت ہو درود و ذکر اور اخلاص میں
خادمینِ باولی کو بس یہی فرمان ہے
Istiqaamat ho darood o zikr aur ikhlaas mein
Khadimeen-e-Bawali ko bas yahi farmaan hai
اِس شکیلِؔ نقشبندی پر عطائے خاص ہو
سائلِ در ہے تمہارا یہ بھی اِک درباں ہے
Is Shakeelؔ Naqshbandi par ataaye khaas ho
Sa'il-e-dar hai tumhara yeh bhi ik darbaan hai
Share This Naat
Share with friends and family
سرزمینِ باولی فیضان ہی فیضان ہے
محمد شکیل نقشبندی