سر پہ عصیاں کا اُٹھائے بوجھ بھاری یانبیؐ
کر رہا ہوں تیرے در پر اشکباری یانبیؐ
sir pe isyaan ka uthaye bojh bhari ya nabiؐ
kar raha hoon tere dar par ashkbari ya nabiؐ
کیا کہوں کیا لطف پایا سنگِ در کو چوم کر
رُوح پرور کیف سا ہے دل پہ طاری یانبیؐ
kya kahoon kya lutf paya sang-e-dar ko choom kar
rooh parwar kaif sa hai dil pe tari ya nabiؐ
زخمِ دل میرے بھی کر دیجے رفو یامصطفیٰؐ
آپ فرماتے ہیں سب کی غمگساری یانبیؐ
zakhm-e-dil mere bhi kar dije rafu ya mustafaؐ
aap farmate hain sab ki ghamgusaari ya nabiؐ
دیکھتا ہی رہ گیا ہو گا خدائے لم یزل
خلق کر کے آپ کی صورت یہ پیاری یانبیؐ
dekhata hi rah gaya ho ga khudaaye lam yazal
khalq kar ke aap ki surat ye piari ya nabiؐ
روزِ محشر یا رسول اللہؐ کیجے گا نظر
آپؐ سے اتنی گذارش ہے ہماری یانبیؐ
roz-e-mahshar ya rasool Allahؐ kije ga nazar
aapؐ se itni guzaarish hai hamari ya nabiؐ
تیرے در پر کر رہا ہوں راحتوں سے سامنا
منہ چھپاتی پھر رہی ہے بے قراری یانبیؐ
tere dar par kar raha hoon rahatoun se saamna
munh chhupati phir rahi hai beqarari ya nabiؐ
دل پہ صر صر کا تسلط اب نہیں رہ پائے گا
ہے رواں میلاد کی بادِ بہاری یانبیؐ
dil pe sar sar ka tasalut ab nahi reh paye ga
hai rawaan milad ki baad-e-bahari ya nabiؐ
عرشِ حق منزل ہے تیریؐ کہکشائیں راستہ
خوشنما براق ہے تیری سواری یانبیؐ
arsh-e-haq manzil hai teriؐ kahkashain raasta
khushnuma buraaq hai teri sawari ya nabiؐ
گُن نہیں پایا گیا اشفاقؔ میں اس کے سوا
نعت کہتا ہے محبت سے تمہاری یانبیؐ
gun nahi paya gaya ashfaqؔ mein is ke siwa
naat kehta hai mohabbat se tumhari ya nabiؐ
Share This Naat
Share with friends and family
سر پہ عصیاں کا اُٹھائے بوجھ بھاری یانبیؐ
اشفاق احمد غوری