سحر کے، شام کے منظر گلاب صورت ہیں
وہاں کے خار بھی اختر گلاب صورت ہیں
Sehar ke, shaam ke manzar gulab soorat hain
Wahan ke khaar bhi akhtar gulab soorat hain
بہار رنگ ہیں چہرے مسافروں کے بھی
یہی نہیں ہے کہ رہبر گلاب صورت ہیں
Bahaar rang hain chehre musafiron ke bhi
Yahi nahi hai ke rehber gulab soorat hain
وہاں برستے ہیں سو رنگ آسمانوں سے
وہاں یہ حال ہے گھر گھر گلاب صورت ہیں
Wahan baraste hain so rang aasmanon se
Wahan yeh haal hai ghar ghar gulab soorat hain
دکھائی دیتے ہیں دوری سے جو سیاہ بہت
قریب سے وہی پتھر گلاب صورت ہیں
Dikhai dete hain doori se jo siyah bohot
Qareeb se wohi patthar gulab soorat hain
ضرور دیکھ چکے ہیں درِ نبیؐ کی بہار
وہ لوگ، جن کے مقدر گلاب صورت ہیں
Zaroor dekh chuke hain dar-e-Nabi SAW ki bahaar
Woh log, jin ke muqaddar gulab soorat hain
Share This Naat
Share with friends and family
سحر کے، شام کے منظر گلاب صورت ہیں
اختر لکھنوی