صد شکر کہ سرکار کا میں مدح سرا ہوں
ہے اُن کا کرم مجھ پہ کہ میں وقفِ ثنا ہوں
Sad shukr ke Sarkar ka main madh sara hoon
Hai un ka karam mujh pe ke main Waqf-e-sana hoon
کیوںکھائوں بھلا ٹھوکریں در در کی جہاںمیں
جب قاسمِ نعمت کا ازل سے میں گدا ہوں
Kyun khaoon bhala thokrein dar dar ki jahan main
Jab Qasim-e-Nemat ka azal se main gada hoon
بخشی ہے مجھے مدح سرائی کی سعادت
آقا! میں دل و جان سے ممنونِ عطا ہوں
Bakhshi hai mujhe madh sarai ki saadat
Aaqa! main dil o jaan se mamnon-e-ata hoon
عشق ان کا ہو ہر سینۂ بے نور میں روشن
لے کر میں ضیا ان کی محبت کی چلا ہوں
Ishq un ka ho har seena-e-be noor mein roshan
Le kar main zia un ki mohabbat ki chala hoon
کیوں سطوتِ شاہاں کے قصائد کروں مرقوم
خوش بخت ہوں سرکار کا میں نغمہ سرا ہوں
Kyun satwat-e-shahan ke qasaid karoon marqoom
Khush bakht hoon Sarkar ka main naghma sara hoon
کیا خاک گرائیں گے مجھے اہلِ زمانہ
تھامے ہوئے جب آپ کے دامن کو کھڑا ہوں
Kya khaak girain ge mujhe ahl-e-zamana
Thamay hue jab aap ke daman ko khada hoon
سرکار سے نسبت پہ مجھے ناز ہے آصف
رکھیں گے وہی لاج بھلا ہوں کہ برا ہوں
Sarkar se nisbat pe mujhe naaz hai Asif
Rakhain ge wahi laaj bhala hoon ke bura hoon
Share This Naat
Share with friends and family
صد شکر کہ سرکار کا میں مدح سرا ہوں
محمد آصف قادری