روحِ حیات عشقِ حبیبِ خدا میں ہے
اصل نجات پیرویِ مصطفیٰ میں ہے
Rooh-e Hayat Ishq-e Habeeb-e Khuda mein hai
Asal Naja’at Pairwi-e Mustafa mein hai
جو غیب کی بتائے اسی کو نبی کہیں
اس دعوے کی دلیل تو لفظ نبا میں ہے
Jo ghaib ki bataye usi ko Nabi kahen
Is da'we ki daleel to lafz Naba mein hai
اقم الصلاۃ کہہ دیا قرآن پاک نے
اصل نماز حبیب کی اک اک ادا میں ہے
Aqimus-Salat keh diya Quran-e-Pak ne
Asal namaz Habeeb ki ek ek ada mein hai
موسیٰ کو لن ترانی کا ملتا رہا جواب
اسریٰ کی رات کون یہ قصرِ دنا میں ہے
Musa ko lan tarani ka milta raha jawab
Isra ki raat kaun ye qasr-e Duna mein hai
کوثر عطا ہوا تو سبھی کثرتیں ملیں
جب رب عطا کرے تو کمی کیا عطا میں ہے
Kausar ata hua to sabhi kasratein milin
Jab Rab ata kare to kami kya ata mein hai
قرآن میں جگہ جگہ ارشاد ہے یہی
ایماں رسول میں ہے تو ایماں خدا میں ہے
Quran mein jaga jaga irshad hai yahi
Emaan Rasool mein hai to emaan Khuda mein hai
فرمائیں گے انا لھا سرکار حشر میں
تیور کس اختیار کا لفظِ انا میں ہے
Farmayenge Ana laha Sarkar Hashr mein
Taywar kis ikhtiyar ka lafz-e ana mein hai
قرآن پاک آپ کا خلقِ عظیم ہے
ہر وصف ہر کمال حبیبِ خدا میں ہے
Quran-e-Pak aap ka khulq-e azeem hai
Har wasf har kamal Habeeb-e Khuda mein hai
کشکولِ دل لیے میں کھڑا ہوں ترے حضور
اب اے کریم دیر کیوں تیری عطا میں ہے
Kashkol-e dil liye mein khada hoon tere huzoor
Ab ae Kareem der kyon teri ata mein hai
احمد رضا کی نعتیں ہیں مشہور و مستند
قرآن اور حدیث کلامِ رضا میں ہے
Ahmed Raza ki naatein hain mashhoor o mustanad
Quran aur hadees kalaam-e Raza mein hai
نظمی پہ ہو ہی جائے عنایت کی اک نظر
آقا غلام آپ کا کرب و بلا میں ہے
Nazmi pe ho hi jaye inayat ki ek nazar
Aqa gulaam aap ka Karb o Bala mein hai
Share This Naat
Share with friends and family
روحِ حیات عشقِ حبیبِ خدا میں ہے
سید آل رسول حسنین میاں برکاتی نظمی