قریۂ خوشبو مری سانسوں کو مہکانے لگا
دھڑکنوں میں بھی درودی کیف سا چھانے لگا
Qaryah-e-khushbu meri sanson ko mehkane laga
Dharkanon mein bhi daroodi kaif sa chhane laga
ہیں نخیلِ نُور یا قدسی قطار اندر قطار
جگمگاتا سا حسیں منظر نظر آنے لگا
Hain nakheel-e-noor ya qudsi qataar andar qataar
Jagmagata sa haseen manzar nazar aane laga
سبز گنبد سامنے ہے اور آنکھیں اشکبار
پھر مقدّر دید کی امّید بر لانے لگا
Sabz gunbad samne hai aur aankhein ashkbaar
Phir muqaddar deed ki ummeed bar lanay laga
کہکشاں شمس وقمر راہوں میں ایسے بچھ گئے
آسماں جیسے زمیں کو چومنے آنے لگا
Kahkashan shams o qamar raahon mein aise bich gaye
Aasman jaise zameen ko choomne aane laga
آرزوئیں پا برہنہ خواہشیں بھی دم بخود
آنکھ پتھرائی ہوئی اور دل بھی شرمانے لگا
Aarzoen pa barhana khwahishen bhi dam bakhud
Aankh pathraai hui aur dil bhi sharmane laga
کیوں کسی کو مانگنے کی اب یہاں حاجت رہے
بے طلب ہی ہر گدا خیرات جب پانے لگا
Kyun kisi ko maangne ki ab yahan haajat rahe
Be talab hi har gada khairat jab pane laga
روح کی تغسیل جب اشکِ ندامت سے ہوئی
دل ہوا مُحرِم طوافِ شوق کو جانے لگا
Rooh ki taghseel jab ashk-e-nadamat se hui
Dil hua muhrim tawaaf-e-shouq ko jaane laga
لوٹ بھی جاؤں میں شہرِ نور سے نوری اگر
دل بہانہ جُو ہے میرا ’’کیوں بھلا‘‘ جانے لگا
Loot bhi jaon main shehar-e-noor se noori agar
Dil bahaana ju hai mera "kyun bhala” jaane laga
Share This Naat
Share with friends and family
قریۂ خوشبو مری سانسوں کو مہکانے لگا
محمد ظفراقبال نوری