قافلہ جب کوئی طیبہ کو رواں ہوتا ہے
عشقِ نادار مرا محوِ فغاں ہوتا ہے
Qafila jab koi tayyaba ko rawan hota hai
Ishq-e-nadaar mera mehwe faga hota hai
نور سرکارؐ کا محدود کہاں ہوتا ہے
سارے عالم پہ مدینے کا گماں ہوتا ہے
Noor sarkarؐ ka mehdood kahaan hota hai
Saare aalam pe madine ka gumaan hota hai
نام سرکارؐ کا جب وردِ زباں ہوتا ہے
جہاں سرکارؐ ہیں یہ دل بھی وہاں ہوتا ہے
Naam sarkarؐ ka jab wird-e-zubaan hota hai
Jahan sarkarؐ hain ye dil bhi wahan hota hai
آپ کا درد بھی کیا درد ہے اللہُ غنی
حد سے بڑھ جائے اگر راحتِ جاں ہوتا ہے
Aap ka dard bhi kya dard hai Allahu ghani
Hadd se barh jaaye agar rahat-e-jaan hota hai
یہ کریمی ہے کہ سرکار سمجھ لیتے ہیں
اپنا احوال بھلا کس سے بیاں ہوتا ہے
Ye karimi hai ke sarkar samajh lete hain
Apna ahwal bhala kis se bayaan hota hai
رحمتیں ہوتی ہیں لاریب اسی محفل پر
ذکر سرکارِ دو عالمؐ کا جہاں ہوتا ہے
Rehmatain hoti hain laa raib isi mehfil par
Zikr sarkar-e-do aalamؐ ka jahan hota hai
انکی دہلیز پہ سجدے جو گزارے جائیں
کعبہِ شوق انہیں سجدوں کا نشاں ہوتا ہے
Inki dehleez pe sajday jo guzare jaayein
Ka'ba-e-shauq inhein sajdon ka nishaan hota hai
سامنے ہوتا ہے قرآن ِ مجسم کا جمال
جب بھی سرکارؐ کی سیرت کا بیاں ہوتا ہے
Samne hota hai Quran-e-mujassam ka jamaal
Jab bhi sarkarؐ ki seerat ka bayaan hota hai
ایسے اندازِ مکلّم تصدق دل و جاں
جس کا ہر لفظ محبت کی اذاں ہوتا ہے
Aise andaaz-e-mukallim tasadduq dil-o-jaan
Jis ka har lafz mohabbat ki azaan hota hai
ہو کے رہتی ہے وہی بات جو کہہ دیتا ہے
ہر غلامِ شہِ دیں ؐ سیف زباں ہوتا ہے
Ho ke rahti hai wohi baat jo keh deta hai
Har ghulam-e-sheh-e-deen ؐ saif zubaan hota hai
آپ ؐ کا نام بھی کیا نام ہے اے صَلِّ عَلیٰ
بے امانوں کے لئے وجہ اِماں ہوتا ہے
Aapؐ ka naam bhi kya naam hai ae sallay 'ala
Be amaano ke liye wajah emaan hota hai
بندآنکھیں ہیں تصور ہے انہیں کا لیکن
دیکھنے والوں کو کچھ اور گماں ہوتا ہے
Band aankhein hain tasawwur hai inhein ka lekin
Dekhnay walon ko kuch aur gumaan hota hai
ہے کرم جس پہ غمِ عشق نبیِؐ کا خالدؔ
اس پہ ہستی کا ہر اک راز عیاں ہوتا ہے
Hai karam jis pe gham-e-ishq nabiؐ ka Khalidؔ
Us pe hasti ka har ek raaz ayaan hota hai
Share This Naat
Share with friends and family
قافلہ جب کوئی طیبہ کو رواں ہوتا ہے
خالد محمود خالد