قافِلہ آج مدینے کو روانہ ہوگا
عنقریب اپنا مدینے میں ٹھکانا ہوگا
qafila aaj madine ko rawana hoga
anqareeb apna madine mein thikana hoga
لب پہ نغماتِ محمد کا ترانہ ہوگا
جھومتے جھومتے دیوانہ روانہ ہوگا
lab pe naghmaat-e-Muhammad ka tarana hoga
jhoomtay jhoomtay deewana rawana hoga
کس قَدَر زائرو! وہ وقت سُہانا ہوگا
رُوبرو جب درِ سلطانِ زمانہ ہوگا
kis qadar zairo! woh waqt suhana hoga
roobaru jab dar-e-sultan-e-zamana hoga
درد و آلام کا جب لب پہ فَسانہ ہوگا
ابرِ رَحمت کے برسنے کا بہانہ ہوگا
dard o aalam ka jab lab pe fasana hoga
abr-e-rahmat ke barsne ka bahana hoga
نیکیاں پلّے مدینے کے مسافِر کے کہاں !
آنسوؤں کا مِری جھولی میں خزانہ ہوگا
nekian palle madine ke musafir ke kahan !
aansooon ka meri jholi mein khazana hoga
اِتنی بے تاب نہ ہو آنے دے طیبہ کی گلی
رُوحِ مُضطَر تجھے کچھ وقت بڑھانا ہوگا
itni be tab na ho aane de tayyaba ki gali
rooh-e-muztar tujhe kuch waqt barhana hoga
گنبدِ خَضرا کی جس وقت میں دیکھوں گا بہار
مجھ گنہگار کی بخشش کا بہانہ ہوگا
gunbad-e-khazra ki jis waqt mein dekhoon ga bahar
mujh gunahgar ki bakhshish ka bahana hoga
جب سُوالات، نکیرین کریں گے مجھ سے
لب پہ سرکار کی نعتوں کا ترانہ ہوگا
jab sawalat, nakeerin karenge mujh se
lab pe sarkar ki naatoon ka tarana hoga
حشر میں جب ہمیں سرکار نظر آئیں گے
کیسا منظر وہ حسین اور سُہانا ہوگا
hashr mein jab hamein sarkar nazar aayenge
kaisa manzar woh haseen aur suhana hoga
تجھ کو گر رُتبۂ عالی کی طلب ہے بھائی!
غور سے سن تجھے ہَستی کو مٹانا ہوگا
tujh ko gar rutba-e-aali ki talab hai bhai!
ghor se sunn tujhe hasti ko mitana hoga
اُن کی دَہلیز پہ سر اپنا جُھکا دے بھائی!
دیکھنا سب تِرے قدموں میں زمانہ ہوگا
un ki dehleez pe sar apna jhuka de bhai!
dekhna sab tere qadmoon mein zamana hoga
بھائیو! چاہئے گر ربِّ محمد کی رِضا
خود کو محبوب کی سنّت پہ چلانا ہوگا
bhiiyo! chahiye gar Rabb-e-Muhammad ki raza
khud ko mahboob ki sunnat pe chalana hoga
میری سرکار کے قدموں میں ہی اِن شاءَ اللہ
میرا فِرَدوس میں عطارؔ ٹھکانا ہوگا
meri sarkar ke qadmoon mein hi inshaAllah
mera firdous mein 'attar thikana hoga
اِس برس بھی نہ مدینے میں اگر آئی موت
گھر کو روتے ہوئے عطارؔ روانہ ہوگا
is baras bhi na madine mein agar aai maut
ghar ko rote hue 'attar rawana hoga
Share This Naat
Share with friends and family
قافِلہ آج مدینے کو روانہ ہوگا
الیاس عطار قادری