پھر دل میں مرے آئی یاد شہ جیلانی
پھرنے لگی آنکھوں میں وہ صورت نورانی
Phir dil mein mere aai yad Shah-e-Jilani
Phirne lagi aankhon mein woh soorat noorani
مقصود مریداں ہو اے مرشد لاثانی
تم قبلہ دینی ہو تم کعبہ ایمانی
Maqsood mareedan ho aye Murshid Laasani
Tum Qibla Deeni ho tum Ka’aba Imani
حسنین کے صدقے میں اب میری خبر لیجئے
مدت سے ہوں اے مولا میں وقف پریشانی
Hasnain ke sadqe mein ab meri khabar lijiye
Muddat se hun aye Maula mein waqf pareshani
اب دست کرم ہی کچھ کھولے تو گرہ کھولے
آسانی میں مشکل ہے مشکل میں ہے آسانی
Ab dast karam hi kuch khule to girah khule
Aasani mein mushkil hai mushkil mein hai aasani
شاہوں سے بھی اچھا ہوں کیا جانے کیا کیا ہوں
ہاتھ آئی ہے قسمت سے در کی تیرے دربانی
Shahon se bhi achha hun kya jane kya kya hun
Haath aai hai qismat se dar ki tere darbani
سوتے ہیں پڑے سکھ سے آزاد ہیں ہر دکھ سے
بندوں کو ترے مولا غم ہے نہ پریشانی
Sote hain pare sukh se azaad hain har dukh se
Bandon ko tere Maula gham hai na pareshani
بیدم ہی نہیں اے جان تنہا ترا سودائی
ہے عالم ترا شیدا دنیا تری دیوانی
Bedam hi nahi aye jaan tanha tera soudai
Hai alam tera sheida duniya teri deewani
Share This Naat
Share with friends and family
پھر دل میں مرے آئی یاد شہ جیلانی
بیدم شاہ وارثی