پھل ہنجواں دے پلکاں اتے آپ سجاواں گے
جیہڑے ویلے اسیں مدینے رل کے جاواں گے
Phal hanjwaan de palkaan ate aap sajaawaan ge
Jihde vele asi Madine ral ke jaawaan ge
ہور وظیفہ کیہہ کرنا اے چج نہ کوئی اوندا اے
روضے پاک نوں ویخاں گے بس ویخی جاواں گے
Hor wazifa kehh karna ae chaj na koi onda ae
Roze pak nu vekhaan ge bas wekhi jaawaan ge
قسمت نال جے کوئی مسافر ملے مدینے دا
اسیں تے اکھیاں، اوہدیاں قدماں ہیٹھ وچھاواں گے
Kismat naal je koi musaafar mile Madine da
Asi te akhiyaan, ohdiyan kadmaan heth vichhaawaan ge
جو جو کیتی نال اساڈے ایس وچھوڑے نے
قدماں دے وچ بہہ کے سارا حال سناواں گے
Jo jo keeti naal asade es vichhore ne
Kadmaan de vich beh ke saara haal sanaawaan ge
ساری کائنات خدا دی صدقہ کملی والے دا
ساری عمراں اوہدے نال دا صدقہ کھاواں گے
Saari kainaat Khuda di sadqa Kambli wale da
Saari umraan ohde naal da sadqa khaawaan ge
کوئی رسیا یار مناوے کوئی مناوے دنیا نوں
اسیں ظہوریؔ آقا دا میلاد مناواں گے
Koi rasiya yaar manaave koi manaave duniya nu
Asi Zahoori aaqa da milaad manaawaan ge
Share This Naat
Share with friends and family
پھل ہنجواں دے پلکاں اتے آپ سجاواں گے
محمد علی ظہوری