پائے گا یونس رضا عُمرے کی خیر اُمّید ہے
گُنبدِ خَضرا کی دید اس کی بِلا شک عید ہے
Paaye ga Yunus Raza 'umre ki khair umeed hai
Ghunbad-e-KhIzra ki deed iski bila shak Eid hai
مرحبا! تم کو مبارَک ہو مدینے کا سفر
فَضلِ رب سے تم پہ نازِل رحمتیں ہوں ہر ڈَگر
Marhaba! Tum ko mobarak ho madeene ka safar
Fazl-e-Rab se tum pe naazil rehmatain ho har dagar
یاخُدا! آسان ہو اِس کیلئے پیارا سفر
ذَوق بڑھتا ہی رہے اِس کا خدائے بحر و بر
YaKhuda! Aasaan ho is ke liye piara safar
Zauq barhta hi rahe iska Khudae behr o bar
رونے والی آنکھ دے اور چاک سینہ کر عطا
یارب! اس کو الفتِ شاہِ مدینہ کر عطا
Rone wali aankh de aur chaak seena kar a'ta
Yarab! Is ko ulfat-e-Shah-e-Madina kar a'ta
ذرّے ذرّے کا ادب اللہ اس کو ہو نصیب
سیِّدی احمد رضا کا واسطہ ربِّ مُجیب!
Zarr-e zarre ka adab Allah isko ho naseeb
Sayyedi Ahmad Raza ka waasta Rabb-e-Mujeeb!
امتِحاں درپیش ہو راہِ مدینہ میں اگر
صَبر کر تُو صَبر کر ہاں صَبر کر بس صَبر کر
Imtihan darpaish ho raah-e-madina mein agar
Sabr kar Tu sabr kar haan sabr kar bas sabr kar
کوئی دُھتکارے یا جھاڑے بلکہ مارے صَبر کر
مت جھگڑ، مت بُڑبُڑا، پا اَجْر رب سے صبر کر
Koi dhutkare ya jhaare balkay maare sabr kar
Mat jhagar, mat burbura, paa ajr Rab se sabr kar
راہِ جاناں کا ہراِک کانٹا بھی گویاپھول ہے
جوکوئی شِکوہ کرے اُس کی یقینا بُھول ہے
Raah-e-Janaan ka har ik kaanta bhi goya phool hai
Jo koi shikoh kare us ki yaqeenan bhool hai
تم زَباں کا آنکھ کا ’’قُفلِ مدینہ‘‘ لو لگا
ورنہ بڑھ سکتا ہے عِصیاں کا وہاں بھی سِلسلہ
Tum zabaan ka aankh ka ''Qufl-e-Madina'' lo laga
Warna barh sakta hai 'isyaan ka wahan bhi silsila
گفتگو صادِر نہ کچھ بے کار ہو اِحرام میں
لب پہ بس لبّیک کی تکرار ہو اِحرام میں
Guftagu saadir na kuch bekaar ho Ihram mein
Lab pe bas Labbaik ki takraar ho Ihram mein
جب کرے تُو خانۂ کعبہ کا رو رو کر طواف
یہ دُعا کرنا خُدا میرے گُنہ کردے مُعاف
Jab kare tu Khanah-e-Ka'aba ka ro ro kar tawaaf
Yeh dua karna Khuda mere gunah karde muaaf
حاضِری ہو جب مدینے میں تمھاری زائرو!
عشقِ شہ میں خوب کرنا آہ و زاری زائرو!
Haaziri ho jab madeene mein tumhari zairu!
Ishq-e-Shah mein khub karna aah o zaari zairu!
اے مدینے کے مسافِر در پہ لے کے میرا نام
دَست بَستہ عرض کرنا ان سے رو رو کر سلام
Ae Madeene ke Musafir dar pe le ke mera naam
Dast basta arz karna un se ro ro kar salam
روکے کرنا میرے ایماں کی حفاظت کی دُعا
دے شہادت کاشَرَف مجھ کو مدینے میں خُدا
Roke karna mere imaan ki hifazat ki dua
De Shahadat ka sharaf mujh ko Madeene mein Khuda
ہومدینے کا سفر تم کو مُیسَّر بار بار
اور بقیعِ پاک میں مدفن بنے انجام کار
Ho Madeene ka safar tum ko mu'yassar baar baar
Aur Baqee' Pak mein madfan bane anjaam kaar
کرنا تم عطارؔ کے حق میں دُعائے مغفِرت
اِس جہاں میں عافِیت ہو اُس جہاں میں عافِیت
Karna tum Attar ke haq mein dua-e-maghfirat
Is jahan mein aafiyat ho us jahan mein aafiyat
Share This Naat
Share with friends and family
پائے گا یونس رضا عُمرے کی خیر اُمّید ہے
الیاس عطار قادری