پہنچوں اگر میں روضۂ اَنور کے سامنے
سب حالِ دِل بیاں کروں سروَر کے سامنے
Pahunchon agar main roza-e-anuwar ke samne
Sab haal-e-dil bayan karun sarwar ke samne
جالی پکڑ کے عرض کروں حالِ دِل کبھی
آنسو بہاؤں میں کبھی منبر کے سامنے
Jali pakad ke arz karun haal-e-dil kabhi
Aansu bahaun main kabhi minbar ke samne
ہر دَم یہ آرزو ہے مَدینے کے چاند سے
بستر فقیر کا ہو ترے دَر کے سامنے
Har dam ye arzoo hai madine ke chand se
Bistar faqeer ka ho tere dar ke samne
جنت کی آرزو ہے نہ خواہش ہے حور کی
ٹکڑا ملے زمیں کا ترے دَر کے سامنے
Jannat ki arzoo hai na khwahish hai hoor ki
Tukra mile zameen ka tere dar ke samne
ہے آرزوئے دِل کہ میں ہندوستاں کو چھوڑ
بستر جماؤں روضۂ اَنور کے سامنے
Hai arzo-e-dil ke main hindustan ko chhod
Bistar jamaun roza-e-anuwar ke samne
شاہِ مدینہ طیبہ میں مجھ کو بلا تو لیں
لوٹوں گا خاکِ پاک پہ میں دَر کے سامنے
Shah-e-madina tayyba main mujh ko bula to lein
Lootun ga khak-e-pak pe main dar ke samne
طیبہ بلا کے اپنا سگِ دَر بنائیے
بادِ صبا یہ کہنا پیمبر کے سامنے
Tayyba bula ke apna sag-e-dar banaiye
Bad-e-saba ye kehna paimanbar ke samne
یوں میری موت ہو تو حیاتِ اَبد ملے
خاکِ مَدینہ سر پہ ہو سر دَر کے سامنے
Yun meri maut ho to hayat-e-abd mile
Khak-e-madina sar pe ho sar dar ke samne
نکلے جو جاں تو دیکھ کے گنبد حبیب کا
مدفن بنے تو روضۂ اَطہر کے سامنے
Nikale jo jaan to dekh ke gumbad habib ka
Madfan bane to roza-e-athar ke samne
منگتا کی کیا شمار سلاطینِ رُوزگار
آتے ہیں بھیک لینے ترے دَر کے سامنے
Manga ki kya shumaar salateen-e-ruzgar
Aate hain bheek lene tere dar ke samne
دونوں جہاں کو نعمت کونین بانٹنا
کچھ بات بھی ہو میرے تونگر کے سامنے
Dono jahan ko naemat konain bantna
Kuch baat bhi ho mere taungar ke samne
یوں اَنبیا میں شاہِ دوعالم ہیں جلوہ گر
جیسے ہو چاند اَنجم و اَختر کے سامنے
Yun anbiya main shah-e-doaalam hain jalwa gar
Jaise ho chand anjum o akhtar ke samne
خوشبوئے مشک زُلفِ مُعَنْبَر کے سامنے
ایسی ہے جیسے خاک ہو گوہر کے سامنے
Khushbuye mushk zulf-e-mo'nabar ke samne
Aisi hai jaise khak ho gohar ke samne
گلزار و باغ و گل کی نہ خواہش رہے تجھے
اے عندلیب میرے گلِ تر کے سامنے
Gulzar o bagh o gul ki na khwahish rahe tujhe
Ae andaleeb mere gul-e-tar ke samne
کیوں روکتے ہو خلد سے مجھ کو ملائکہ
اچھا چلو تو شافِعِ محشر کے سامنے
Kyun rokte ho khuld se mujh ko mala'ika
Accha chalo to shafi-e-mahshar ke samne
جاری ہے اَلْعَطَش کی صدا ہر زبان پر
میلا لگا ہے چشمۂ کوثر کے سامنے
Jaari hai al-atash ki sada har zubaan par
Mela laga hai chashma-e-kausar ke samne
دِکھلا رہے ہیں سوکھی زبانیں حضور کو
پیاسے کھڑے ہیں ساقیِ کوثر کے سامنے
Dikhla rahe hain sookhi zubane hazoor ko
Piyase khade hain saqi-e-kausar ke samne
جو کوئی بھی کرے گا شفاعت وہ ان کے پاس
یہ ہیں شفیع داوَرِ محشر کے سامنے
Jo koi bhi karega shafaat wo un ke paas
Ye hain shafi dawar-e-mahshar ke samne
اِنکار کر نہ فضلِ نبی سے تو اے شقی
جانا ہے تجھ کو داوَرِ محشر کے سامنے
Inkaar kar na fazl-e-nabi se tu ae shaqi
Jana hai tujh ko dawar-e-mahshar ke samne
ہے قادری جمیلؔ کی یہ عرضِ آخری
ہو قبر اس کی روضۂ اَطہر کے سامنے
Hai qadri Jameel ki ye arz-e-akhri
Ho qabar us ki roza-e-athar ke samne
Share This Naat
Share with friends and family
پہنچوں اگر میں روضۂ اَنور کے سامنے
جمیل الرحمن قادری