نور کی شاخِ دلربا اصغر
دین پر ہو گیا فدا اصغر
Noor ki shaakh-e-dilruba Asghar
Deen par ho gaya fida Asghar
نامِ اصغر کو پھونک کر دیکھا
ننھے بچوں کی ہے دوا اصغر
Naam-e-Asghar ko phoonk kar dekha
Nanhe bachon ki hai dawa Asghar
ایک مغموم حوصلے والا
سب سے آگے نکل گیا اصغر
Ek maghmoom hauslay wala
Sab se aage nikal gaya Asghar
تیرِ حرمل جو کھا کے گردن پر
چار سو کر گیا ضیا اصغر
Teer-e-Harmal jo kha ke gardan par
Chaar soo kar gaya ziya Asghar
دے کے اپنا لہو وہ کربل کو
لخلخہ کر گیا فضا اصغر
De ke apna lahoo wo Karbal ko
Lakh-lakha kar gaya faza Asghar
تیر ڈالا کماں میں حُرمل نے
تو سکینہ نے دی صدا اصغر
Teer daala kamaan mein Hurmal ne
To Sakeena ne di sada Asghar
دفن کر کے زمینِ کربل میں
رو دیا " کوہ صبر کا " اصغر
Dafan kar ke zameen-e-Karbal mein
Ro diya " Koh-e-Sabr ka" Asghar
جس سے روشن خدا کا مذہب ہے
کبریا کا ہے وہ دیا اصغر
Jis se roshan Khuda ka mazhab hai
Kibriya ka hai wo diya Asghar
دینِ مرسل پہ شیر خواروں میں
جان دینے کی ابتدا اصغر
Deen-e-Mursal pe sheer khwaron mein
Jaan dene ki ibtida Asghar
کیا وفا مصطفٰی سے ہوتی ہے؟
کربلا میں دکھا گیا اصغر
Kya wafa Mustafa se hoti hai?
Karbala mein dikha gaya Asghar
میرا قائم سلام ہے اُس پر
تشنہ لب جو فدا ہوا اصغر
Mera Qaim salaam hai us par
Tishna lab jo fida hua Asghar
Share This Naat
Share with friends and family
نور کی شاخِ دلربا اصغر
سید حب دار قائم