نظامِ بادہ نوشی مرضیٔ پیرِ مغاں تک ہے
نگاہِ یار کی منزل خدا جانے کہاں تک ہے
Nizaam-e-baadah noshi marzi-e-peer-e-mughan tak hai
Nigah-e-yaar ki manzil Khuda jaane kahaan tak hai
کسی بھی غم کی اُلجھن ہو یا دل کی بے قراری ہو
ہماری دوڑ تو بس اک ترے ہی آستاں تک ہے
Kisi bhi gham ki uljhan ho ya dil ki bay qarari ho
Hamaari daur to bas ek tere hi aastan tak hai
غبارِ راہِ جاناں پر فدا اہلِ جنوں ہونگے
خرد کا منتہیٰ تو منزل نام و نشاں تک ہے
Ghubaar-e-raah-e-jaan par fida ahel-e-junoon honge
Khirad ka muntaha to manzil naam o nishaan tak hai
کرم ان کا کہ ہوں میں مجلسِ حسانؓ میں شامل
رسائی میری نسبت کی نبیؐ کے مدح خوانوں تک ہے
Karam un ka ke hoon main Majlis-e-Hassan R.A. mein shaamil
Rasaai meri nisbat ki Nabi S.A.W ke madah khawano tak hai
پھر اس کے بعد محفل میں رہے گا دورِ خاموشی
یہ ہاؤ ہُو تو یارو اختتامِ داستاں تک ہے
Phir is ke baad mehfil mein rahega daur-e-khamoshi
Ye hao hu to yaaro ikhtitam-e-daastaan tak hai
ترے دردِ محبت کو ظہوریؔ کون سمجھے گا
یہاں اظہار کی صورت فقط طرزِ فغاں تک ہے
Tere dard-e-mohabbat ko Zahoori kaun samjhega
Yahaan izhaar ki surat faqat tarz-e-fughan tak hai
Share This Naat
Share with friends and family
نظامِ بادہ نوشی مرضیٔ پیرِ مغاں تک ہے
محمد علی ظہوری