نگاہ تیری چراغ بانٹے جمال نکہت فشاں ہے تیرا
نسب ترا نورِ کبریا ہے لقب شہِ دو جہاں ہے تیرا
Nigah teri chiraagh bante jamaal nikhhat fishaan hai tera
Nasab tera noor-e-kibriya hai laqab shah-e-do jahan hai tera
خدا نے ہم سے خطاب چاہا تو تجھ کو اپنی زبان دیدی
گواہِ گویائی علم تیرا عمل ثبوت بیاں ہے تیرا
Khuda ne hum se khitaab chaha to tujh ko apni zabaan deedi
Gawah-e-gooyai ilm tera amal saboot bayaan hai tera
کہاں کہاں ہیں ترے ٹھکانے ترے مراتب خدا ہی جانے
زمین بھی ہے تری قدم بوس لامکاں بھی مکاں ہے تیرا
Kahan kahan hain tere thikanay tere maratib khuda hi jaanay
Zameen bhi hai teri qadam bos laamakaan bhi makaan hai tera
شریعت کبریا کی تشریح صاف و سادہ حیات تیری
پڑھا ہے قرآن بھی جو ہم نے پتہ چلا ترجماں ہے تیرا
Shariat kibriya ki tashreeh saaf o saada hayaat teri
Padha hai Qur'an bhi jo hum ne pata chala tarjuman hai tera
رضائے حق ہے تری نظر میں بہشت رہتی ہے تیرے گھر میں
صدا سے اعلیٰ تری خموشی یقیں سے بالا گماں ہے تیرا
Raza-e-haq hai teri nazar mein bahisht rehti hai tere ghar mein
Sada se aala teri khamoshi yaqeen se bala gumaan hai tera
ترے سفینے میں بیٹھ کر آخرت کا ہم نے سفر کیا ہے
ہوا کو جو اس کا رخ بتائے وہ پردہء بادباں ہے تیرا
Tere safeene mein baith kar aakhrat ka hum ne safar kiya hai
Hawa ko jo is ka rukh bataaye woh parda-e-baadban hai tera
تو کتنا چاہے ہر امتی کو پناہ دیتا ہے ہر کسی کو
ہے تیرا دارالسلاّم مکہ مدینہ دارالاماں ہے تیر ا
Tu kitna chahe har ummati ko panaah deta hai har kisi ko
Hai tera dar-al-salaam Makkah Madinah dar-al-aman hai tera
مظفر وارثی کی دنیا و دین وابستہ ہیں وہیں سے
وہ فرش جس پر تری کمر ہے وہ عرش گنبد جہاں ہے تیرا
Muzaffar Warisi ki duniya o deen wabasta hain wahiin se
Woh farsh jis par teri kamar hai woh arsh gunbad jahan hai tera
Share This Naat
Share with friends and family
نگاہ تیری چراغ بانٹے
مظفر وارثی