نعمتیں بانٹتا جِس سَمْت وہ ذِیشان گیا
ساتھ ہی مُنشِیِ رحمت کا قلم دَان گیا
Naimatein baantta jis samt woh Zishan gaya
Saath hi munshi-e-rahmat ka qalam daan gaya
لے خبر جلد کہ غیروں کی طرف دِھیان گیا
میرے مولیٰ مِرے آقا تِرے قربان گیا
Le khabar jald ke ghairon ki taraf dhyan gaya
Mere Mola mere Aqa tere qurban gaya
آہ وہ آنکھ کہ ناکامِ تَمنّا ہی رہی
ہائے وہ دِل جو ترے دَر سے پُر اَرمان گیا
Aah woh aankh ke nakaam-e-tamanna hi rahi
Haaye woh dil jo tere dar se pur armaan gaya
دِل ہے وہ دِل جو تری یاد سے مَعمور رہا
سر ہے وہ سر جو ترے قدموں پہ قربان گیا
Dil hai woh dil jo teri yaad se ma’moor raha
Sar hai woh sar jo tere qadmon pe qurban gaya
انھیں جانا انھیں مانا نہ رکھا غیر سے کام
لِلّٰہِ الْحَمْد میں دُنیا سے مسلمان گیا
Unhein jaana unhein maana na rakha ghair se kaam
Lillahil hamd mein duniya se musalman gaya
اَور تم پر مِرے آقا کی عنایت نہ سہی
نَجدیو! کلمہ پڑھانے کا بھی اِحسان گیا
Aur tum par mere Aqa ki inayat na sahi
Najdiyo! kalma parhanay ka bhi ehsaan gaya
آج لے اُن کی پناہ آج مدد مانگ اُن سے
پِھر نہ مانیں گے قِیامت میں اگر مان گیا
Aaj le un ki panah aaj madad maang un se
Phir na maanenge qayamat mein agar maan gaya
اُف رے مُنکِر یہ بڑھا جوشِ تَعَصُّب آخر
بِھیڑ میں ہاتھ سے کمبخت کے اِیمان گیا
Uf re munkir yeh badha josh-e-ta’assub aakhir
Bheed mein haath se kambakht ke imaan gaya
جان و دل ہوش و خِرَد سب تو مَدینے پہنچے
تم نہیں چلتے رضاؔ سارا تو سامان گیا
Jaan o dil hosh o khird sab to Madiney pahunche
Tum nahin chaltay Rizaa sara to samaan gaya
Share This Naat
Share with friends and family
نعمتیں بانٹتا جِس سَمْت وہ ذِیشان گیا
احمد رضا خان بریلوی