مصطفیٰ آپ کی گلی اچھی
شہرِ طیبہ کی دل کشی اچھی
Mustafa aap ki gali achi
Sheher-e-taiba ki dilkashi achi
زندگی بہرِ بندگی اچھی
ورنہ جینے سے موت ہی اچھی
Zindagi beher-e-bandagi achi
Warna jeene se maut hi achi
ان کے عُشّاق کی نگاہوں میں
ہو بھلا کیسے خسروی اچھی؟
In ke ush-shaaq ki nigahon mein
Ho bhala kaise khasravi achi?
میرے دل کے نگار خانے میں
حسنِ احمد کی چاندنی اچھی
Mere dil ke nigar khane mein
Husn-e-Ahmad ki chandni achi
شاعری کی تمام صِنفوں میں
نعتِ اقدس کی شاعری اچھی
Sha'ri ki tamam sunfon mein
Naat-e-aqdas ki sha'ri achi
قصرِ شاہی کے زیب و زینت سے
بی حلیمہ کی جھونپڑی اچھی
Qasr-e-shahi ke zeib o zeenat se
B'Halima ki jhonpari achi
آپ کی زندگی سے ظاہر ہے
مالداری سے مفلسی اچھی
Aap ki zindagi se zahir hai
Maldari se muflisi achi
مدحتِ شاہِ دیں میں جو گزرے
در حقیقت وہ زندگی اچھی
Madhat-e-shah-e-deen mein jo guzre
Dar haqeeqat wo zindagi achi
سروری جس پہ ناز کرتی ہے
ان کے در کی گداگری اچھی
Sarwari jis pe naaz karti hai
In ke dar ki gadageri achi
لوگ کہتے ہیں آج کل احمدؔ
نعت ہوتی ہے آپ کی اچھی
Log kehte hain aaj kal Ahmad
Naat hoti hai aap ki achi
Share This Naat
Share with friends and family
مصطفیٰ آپ کی گلی اچھی
مولانا طفیل احمد مصباحی