مُجھ کو دنیا کی دولت نہ زَر چاہئے
شاہِ کوثر کی میٹھی نَظَر چاہئے
Mujh ko duniya ki doulat na zar chahiye
Shah-e-Kosar ki meethi nazar chahiye
ہاتھ اُٹھتے ہی بَر آئے ہر مُدَّعا
وُہ دُعاؤں میں مولیٰ اثر چاہئے
Haath uthte hi bar aaye har mud'da
Woh du'aon mein Maula asar chahiye
عاشِقانِ نبی کے ہے دل کی صَدا
سبز گنبد کے سائے میں گھر چاہئے
Aashiqan-e-Nabi ke hai dil ki sada
Sabz gunbad ke saaye mein ghar chahiye
ذَوق بڑھتا رہے اَشْک بہتے رہیں
مُضطَرِب قَلب اور چَشمِ تر چاہئے
Zauq barhta rahe ashk behte rahein
Muztarib qalb aur chashm-e-tar chahiye
رات دِن عِشق میں تیرے تڑپاکروں
یانبی! ایسا سَوزِ جِگر چاہئے
Raat din ishiq mein tere tadpa karoon
Ya Nabi! aisa soz-e-jigar chahiye
یاخدا جسم سے جَان جب ہو جُدا
جلوۂ شاہ پیشِ نظر چاہئے
Ya Khuda jism se jaan jab ho judaa
Jalwa-e-Shah pesh-e-nazar chahiye
بس مدینے میں دوگز زمیں دیجئے
اور نہ کچھ اے شہِ بحروبر چاہئے
Bas Madine mein do gaz zameen dijiye
Aur na kuch ae Shah-e-bahrobar chahiye
ہم غریبوں کو روضے پہ بُلوائیے
راہِ طیبہ کا زادِ سفر چاہئے
Hum garibon ko roza pe bulwayi’e
Raah-e-Tayba ka zaad-e-safar chahiye
اپنے عطارؔ پر ہو کرم بار بار
اِذن، طیبہ کا بارِ دِگر چاہئے
Apne Attar par ho karam baar baar
Izn, Tayba ka baar-e-digar chahiye
Share This Naat
Share with friends and family
مُجھ کو دنیا کی دولت نہ زَر چاہئے
الیاس عطار قادری