مفلسِ حرف کو پھر رزقِ ثنا مل جائے
رنگ و نکہت میں ڈھلی صوت و صدا مل جائے
Muflis-e-harf ko phir rizq-e-sana mil jaye
Rang o nkhat mein dhali soot o sada mil jaye
پھر کوئی لعلِ یمن مشکِ ختن ارزاں ہو
خامۂ عجز کو پھر اذنِ ثنا مل جائے
Phir koi laal-e-Yaman mishk-e-khatan arzan ho
Kham-e-ajz ko phir azn-e-sana mil jaye
سوکھے دھانوں پہ کوئی ابرِ کرم کا چھینٹا
فصلِ مدحت کو مری تازہ ہوا مل جائے
Sookhe dhanoun pe koi abr-e-karam ka chheenta
Fasl-e-midhat ko meri tazah hawa mil jaye
راہ میں بیٹھا ہوں میں کب سے بچھا کر آنکھیں
اے مرے ماہ لقا ! اب تو لقا مل جائے
Rah mein baitha hoon mein kab se bicha kar aankhen
Ae mere maah laka! Ab to laka mil jaye
دل کے آنگن میں کسی رات وہ منظر دیکھوں
چشمِ حیرت کو حقیقت کا پتا مل جائے
Dil ke aangan mein kisi raat woh manzar dekhoon
Chashm-e-hairat ko haqeeqat ka pata mil jaye
ہجر کی رات بھی پیاری ہے کہ غم ان کا ہے
طلعتِ فجر کبھی نُورِ ضحٰی مل جائے
Hijr ki raat bhi pyari hai ke gham unka hai
Talaat-e-fajr kabhi noor-e-duha mil jaye
پھر مہک جائے تری یاد سے یہ قریۂ جاں
شہرِ خوشبو سے جو آتی ہو صبا مل جائے
Phir mehak jaye teri yaad se yeh qarya-e-jaan
Shehar-e-khushboo se jo aati ho saba mil jaye
آہ ! دلگیر ہیں کشمیر کی مائیں بہنیں
میرے آقا تیری رحمت کی ردا مل جائے
Aah! Dilgir hain Kashmir ki main aur behnain
Mere aqa teri rehmat ki rada mil jaye
جب بھی لیں نام ترا ایک سکینت اترے
غم کے ماروں کو ہر اک دُکھ کی دوا مل جائے
Jab bhi lein naam tera aik sakeenat utray
Gham ke maaron ko har ek dukh ki dawa mil jaye
شرق تا غرب پھروں تیرے خدا کا ہو کر
دفن ہونے کو ترے شہر میں جا مل جائے
Sharq ta gharb phiroon tere Khuda ka ho kar
Dafn hone ko tere shehar mein ja mil jaye
تیری سیرت تری مدحت سے رہے کام مجھے
زندہ رہنے کی یہی ایک ادا مل جائے
Teri seerat teri midhat se rahe kaam mujhe
Zinda rehne ki yahi aik ada mil jaye
تیرا بندہ ہے تری آل کا نوکر نوری
بس تمنّا ہے شہا تیری رضا مل جائے
Tera banda hai teri aal ka naukar Noori
Bas tamanna hai shaha teri raza mil jaye
Share This Naat
Share with friends and family
مفلسِ حرف کو پھر رزقِ ثنا مل جائے
محمد ظفراقبال نوری