مومنو ہے رحمتِ حق کا وُرود
با ادب تم کیوں نہیں پڑھتے درود
Momino hai rehmat-e-haq ka wurud
Ba adab tum kyun nahiin padh'te darood
ہے ملائک کا یہاں پر اِزدِحام
دست بستہ کیوں نہیں پڑھتے سلام
Hai malaa'ik ka yahaan par izdehaam
Dast basta kyun nahiin padh'te salaam
با ادب ہے بانصیب اے اَہل دِیں
بے ادب سے بدنصیبی ہے قریں
Ba adab hai baanaseeb ae ahl-e-deen
Be adab se badnaseebi hai qareen
مژدہ لائی ہے صبا کس پھول کا
جس نے عالم کو مُعَطَّر کردیا
Mujda laayi hai saba kis phool ka
Jis ne aalam ko mu'attar kar diya
آج کعبہ کس لیے ہے شادماں
بند ہے آتش کدوں کا کیوں دھواں
Aaj Ka'aba kis liye hai shaadmaan
Band hai aatish kadon ka kyun dhuwan
بت کدوں میں کس لیے کہرام ہے
کفر کا کیوں ٹکڑے ٹکڑے دام ہے
But kadon mein kis liye kehraam hai
Kufr ka kyun tukde tukde daam hai
دو جہاں میں کس کا لطف عام ہے
بٹ رہا اسلام کا اِنعام ہے
Do jahaan mein kis ka lutf aam hai
Bat raha Islam ka in'aam hai
صف بصف ہیں کیوں فرشتے با ادب
شور کیسا ہے عجم سے تا عرب
Saf ba saf hain kyun farishte ba adab
Shor kaisa hai ajam se ta arab
جنتیں آراستہ ہیں کس لیے
شاد سب شاہ و گدا ہیں کس لیے
Jannaten aaraasta hain kis liye
Shaad sab shaah o gada hain kis liye
کون سا ماہِ منور آئے گا
چاندنا پھیلا ہے جس کے نور کا
Kaun sa maah-e-munawwar aaye ga
Chaandna phela hai jis ke noor ka
زلزلہ کیوں قصرِ کسریٰ میں پڑا
کس کی آمَد کا ہے ایسا دَبدَبہ
Zalzala kyun qasr-e-kasra mein pada
Kis ki aamad ka hai aisa dabdaba
کیوں کہانت پر تباہی آگئی
کونسے سلطاں کی ہے جلوہ گری
Kyun kaha'nat par tabaahi aagayi
Kaun se sultan ki hai jalwa gari
جب َتحیرُّ اَہلِ حیرت کو بڑھا
ہاتفِ غیبی نے یوں مژدہ دیا
Jab tahayyur ahl-e-hairat ko badha
Hatf-e-ghaibi ne yun mujda diya
آمَد آمَد سرورِ عالم کی ہے
آمَد آمَد رحمتِ اَعظم کی ہے
Aamad aamad Suroor-e-aalam ki hai
Aamad aamad Rehmat-e-a'zam ki hai
آنے والا مالکِ دارین ہے
جس کے باعث خلقتِ کونین ہے
Aanay waala maalik-e-darain hai
Jis ke baais khalqat-e-kawnain hai
ہو رہا ہے آج کعبے کا سنگار
اور شیاطیں رو رہے ہیں زار زار
Ho raha hai aaj Ka'abe ka singaar
Aur shiateen ro rahe hain zaar zaar
کوئی کہتا ہے کہ اے اَہلِ جہاں
نائبِ رحمٰن آتا ہے یہاں
Koi kehta hai ke ae ahl-e-jahan
Na'ib-e-rehaman aata hai yahaan
کوئی کہتا ہے کہ آئیں گے یہاں
وہ نبی الانبیا باعز و شاں
Koi kehta hai ke aayein ge yahaan
Woh Nabi-ul-anbiya ba'az o shaan
جن کی آمَد کی خبر عیسیٰ نے دی
ذِکر فرماتے رہے جن کا نبی
Jin ke aamad ki khabar Isa ne di
Zikr farmaate rahe jin ka nabi
نائبِ حق بادشاہِ دوجہاں
جانِ اِیمان و مکینِ لامکاں
Na'ib-e-haq badshah-e-dojahaan
Jaan-e-imaan o makiin-e-la-makaan
ہے نبی الانبیا اُن کا لقب
خاتمِ پیغمبراں فخرِ عرب
Hai Nabi-ul-anbiya un ka laqab
Khaatim-e-peghambaraan fakhr-e-arab
شافعِ محشر انہیں کا نام ہے
دین و دنیا میں انہیں سے کام ہے
Shaafi-e-mahshar unhiin ka naam hai
Deen o duniya mein unhiin se kaam hai
دَر پر اُن کے مانگتے ہیں تاجدار
دونوں عالم کے یہی ہیں شہریار
Dar par un ke maangte hain taaj'daar
Dono aalam ke yahi hain shehariar
ذرّہ ذرّہ کا ہے ان کو اختیار
بانٹتے ہیں نعمتیں لیل و نہار
Zarra zarra ka hai un ko ikhteyaar
Baantte hain naimatein leil o nihar
سُنتے ہیں یہ ہی غریبوں کی پکار
سارے عالم کے یہی ہیں غمگسار
Sunte hain yeh hi ghariibon ki pukaar
Saare aalam ke yahi hain ghamgusar
کرتے ہیں فریاد ان سے جانور
بیکسوں کی یہ ہی لیتے ہیں خبر
Karte hain faryaad un se jaanwar
Bekason ki yeh hi lete hain khabar
سر پر ان کے دونوں عالم کا ہے تاج
ان کو دیتے ہیں شہانِ دَہر باج
Sar par un ke dono aalm ka hai taaj
Un ko dete hain shahan-e-dahr baaj
مظہرِ علمِ خدا اُمی لقب
مخبرِ صادِق شہنشاہِ عرب
Mazhar-e-ilm-e-khuda ummi laqab
Mukhbir-e-sadiq shehenshah-e-arab
ان کی عزت کون جانے جز خدا
خود وہ فرماتا ہے لَوْ لَاکَ لَمَا
Un ki izzat kaun jaane jaz khuda
Khud woh farmata hai laulaak lama
سنگ ان کے پائے اَقدس دیکھ کر
کھینچتے ہیں ان کا نقشہ قلب پر
Sang un ke paaye aqdas dekh kar
Khinchte hain un ka naqsha qalb par
کیوں نہ ہو ہے عرش کی عزت قدم
کیوں نہ ہو ہے فرش کی زینت قدم
Kyun na ho hai arsh ki izzat qadam
Kyun na ho hai farsh ki zeenat qadam
خاکِپا اِکسیر کا بھرتی ہے دم
کھاتا ہے قرآن بھی جس کی قسم
Khaak-e-pa iksir ka bharti hai dam
Khaata hai Quran bhi jis ki qasam
جھولیاں ڈالے فقیر و بے نوا
ہاتھ پھیلائے ہوئے شاہ و گدا
Jholiyaan daal'e faqeer o be nava
Haath phailaaye hue shaah o gada
کررہے ہیں عرض با ذوق و طرب
اے مرے مہرِ عجم ماہِ عرب
Karre hain arz ba zouq o tarab
Ae mere mehr-e-ajam maah-e-arab
گاہ دَر دِل ساز و گہ دَر دِیدہ جا
ہر دو جائے ُتست یا بدرالدجیٰ
Gah dar dil saaz o gah dar dida ja
Har do jaaye tu'st ya badruddija
رُوسیاہ و بیکس و خاطی مَنَم
چشمِ رحمت برکشا عاصی مَنَم
Ro siyah o bekas o khaati manam
Chashme rehmat barkusha aasi manam
من نَیَم منکر خطاوارِ تو اَم
بندۂ رُسوا و ناکارِ تو اَم
Man nayam munkir khatawar-e-tu am
Banda-e-ru'swa o nakaar-e-tu am
کارواں رفت و پریشانم بسے
رحم کن یا شاہ بر من بے کسے
Karwaan raft o preshaanam base
Rehem kun ya shaah bar man be kase
دستگیرِ ما سیہ کاراں توئی
اے شفائے دردِ بیماراں توئی
Dastgeer-e-ma siyaah kaaraan tu ii
Ae shafaye dard-e-beemaaran tu ii
لو وہ اٹھا اَبرِ رحمت جھومتا
رحمتِ عالم کی چوکھٹ چومتا
Lo woh utha abr-e-rehmat jhoomta
Rehmat-e-aalam ki chaukhat choomta
قحط سالی خاک میں مل جائے گی
دل کی عالم کے کلی کھل جائے گی
Qahat saali khaak mein mil jaaye gi
Dil ki aalam ke kali khil jaaye gi
ہے سواری آنے والی عنقریب
آنے والے ہیں یہاں رب کے حبیب
Hai sawaari aanay wali anqareeb
Aanay wale hain yahaan Rab ke habib
شاہِ شاہاں آنے والے ہیں یہاں
یوں سجائے جاتے ہیں کون و مکاں
Shaah-e-shaahan aanay wale hain yahaan
Yun sajaaye jaate hain kawn o makaan
سب مَلک ہیں اِیستادہ باادب
جلوہ فرمائیں گے اب محبوبِ رب
Sab malak hain eastadah ba adab
Jalwa farmaayenge ab mahboob-e-rab
سنیو تم بھی بہت تعظیم سے
جھولیاں پھیلائے ہو جاؤ کھڑے
Suniye tum bhi bohat tazeem se
Jhelliyon phelaaye ho jao khare
اور کہو اے شاہِ شاہاں السلام
میرے آقا جانِ جاناں السلام
Aur kaho ae shaah-e-shaahan as-salaam
Mere aaqa jaan-e-jaanaan as-salaam
اے شفیعِ روزِ محشر السلام
ساقیِ تسنیم و کوثر السلام
Ae shaafi-e-roz-e-mahshar as-salaam
Saaqi-e-tasneem o kausar as-salaam
احمد و محمود نامی السلام
اُمتِ عاصی کے حامی السلام
Ahmad o Mahmood naami as-salaam
Ummat-e-aasi ke haami as-salaam
اے مرے معراج والے السلام
رِفعتِ دیں تاج والے السلام
Ae mere me'raj waale as-salaam
Rif'at-e-deen taaj waale as-salaam
عرش کی آنکھوں کے تارے السلام
دونوں عالم کے سہارے السلام
Arsh ki aankhon ke taare as-salaam
Dono aalam ke sahaare as-salaam
اُمتی فرمانے والے السلام
پیشِ رب بخشانے والے السلام
Ummati farmaane waale as-salaam
Pesh-e-rab bukhshaane waale as-salaam
لمبے لمبے ہاتھوں والے السلام
پیاری پیاری زُلفوں والے السلام
Lambe lambe haathon waale as-salaam
Pyaari pyaari zulfain waale as-salaam
میرے والی میرے مولیٰ السلام
میرے وارث میرے آقا السلام
Mere waali mere Mawla as-salaam
Mere waaris mere aaqa as-salaam
سرورِ عالم محمد ذِی وَقار
َہوں دُرودیں تم پہ نازِل بے شمار
Suroor-e-aalam Muhammad zi-waqaar
Hon durooden tum pe naazil be shumar
اے خدا کر مجھ کو عبدِمصطفیٰ
تب یقیں جانوں کہ ہوں بندہ ترا
Ae khuda kar mujh ko abd-e-Mustafa
Tab yaqiin janoon ke hon banda tera
آل و اَصحابِ نبی کا رکھ غلام
اور نہ چھوٹے دامنِ غوثِ اَنام
Aal o ashaab-e-Nabi ka rakh ghulaam
Aur na chhute daman-e-ghaus-e-anaam
قادری مے سے مجھے سرشار کر
مست بے خود بے خبر ہشیار کر
Qaadri mai se mujhe sarshaaar kar
Mast bekhud be-khabar hoshiyar kar
ہیں مشائخ سلسلے میں جس قدَر
میں نہ بھولوں یاد اُن کی عمر بھر
Hain mashaaikh silsile mein jis qadar
Main na bhooloon yaad un ki umr bhar
دائِما برَکات کے برَکات سے
مجھ کو حصہ ہر جگہ ملتا رہے
Daa'iman barakaat ke barakaat se
Mujh ko hissa har jagah milta rahe
مجھ پہ اچھے کی رہے اچھی نظر
نورِ عرفاں سے ہو دِل رشکِ قمر
Mujh pe achhe ki rahe achhi nazar
Noor-e-irfaan se ho dil rashk-e-qamar
میرے مرشد حضرتِ احمد رضا
کردے مجھ کو ذات میں ان کی فنا
Mere murshid Hazrat-e-Ahmad Raza
Karde mujh ko zaat mein un ki fanaa
اُن کے فیض و لطف سے مسرور رکھ
قادری رَضوی مجھے مشہور رکھ
Un ke faiz o lutf se masroor rakh
Qaadri Rizvi mujhe mashhoor rakh
دوست اُن کا حشر تک پھولے پھلے
دشمنوں پر قہر کی بجلی گرے
Dost un ka hashr tak phale phule
Dushmanon par qahr ki bijli gire
اُن کی سب اولاد اور خدام کا
یاخدا کر دونوں عالم میں بھلا
Un ki sab aulaad aur khuddam ka
Ya Khuda kar dono aalam mein bhala
عزت و عیش و علوم و فضل دے
حشر تک یہ سلسلہ جاری رہے
Izzat o aish o uloome fazl de
Hashr tak ye silsila jaari rahe
ہو جمیلِؔ قادری کی ہر دُعا
یاخدا مقبول بہرِ ُمصطفیٰ
Ho Jamil Qaadri ki har duaa
Ya Khuda maqbool beher-e-Mustafa
Share This Naat
Share with friends and family
مومنو ہے رحمتِ حق کا وُرود
جمیل الرحمن قادری