ملا نہ سایہ کوئی ان کی رحمتوں کی طرح
جو دشمنوں سے کرے پیار دوستوں کی طرح
Mila nah saya koi un ki rehmaton ki tarah
Jo dushmanon se kare pyar doston ki tarah
کریم ہیں وہ یقیناً، معاف کر دیں گے
چل ان کے در پہ بندھے ہاتھ مجرموں کی طرح
Kareem hain wo yaqeenan, maaf kar denge
Chal un ke dar pe bandhe haath mujrimoon ki tarah
نہ رکھے حبِ نبیؐ اور خدا کو یاد کرے
وہ جی رہا ہے مسلمان کافروں کی طرح
Na rakhe hub-e-Nabiؐ aur Khuda ko yaad kare
Wo jee raha hai musalman kaafiron ki tarah
دلوں کی بستیاں زرخیز کر گئیں آنکھیں
برس رہی ہیں جو ساون کے بادلوں کی طرح
Dilon ki bastiyan zarkhaiz kar gayin aankhein
Baras rahi hain jo saavan ke badalon ki tarah
نظر میں اہل نظر کی ہے، قدسیوں کی قطار
در نبیؐ پہ جو آتے ہیں سائلوں کی طرح
Nazar mein ahl-e-nazar ki hai, qadsiyon ki qataar
Dar Nabiؐ pe jo aate hain sailon ki tarah
تپش میں چین، تھکن میں مزا، تڑپ میں سکوں
انہیں ملے گا جو جیتے ہیں عاشقوں کی طرح
Tapish mein chain, thakan mein maza, tarap mein sukoon
Unhein milega jo jeete hain aashiqon ki tarah
ظہوریؔ کیسے ملے ان کو گوہر ِ مقصود
محبتیں جو بدلتے ہیں موسموں کی طرح
Zahooree kaise mile un ko gohar-e-maqsood
Mohabbatein jo badalte hain mausamon ki tarah
لب کھولتے ہیں مدحتِ سرکارؐ کے لیے
ہم جی رہے ہیں سیدِؐ ابرار کے لیے
Lab kholte hain madhat-e-Sarkarؐ ke liye
Hum jee rahe hain Syedؐ-e-abrar ke liye
ارض و سما میں جو بھی خدا نے بنا دیا
سب کچھ ہے دو جہان کے سردارؐ کے لیے
Arz-o-sama mein jo bhi Khuda ne bana diya
Sab kuch hai do jahan ke Sardarؐ ke liye
ارض و سما میں جو بھی خدا نے بنا دیا
سب کچھ ہے دو جہان کے سردارؐ کے لیے
Arz-o-sama mein jo bhi Khuda ne bana diya
Sab kuch hai do jahan ke Sardarؐ ke liye
وہ شہرِ بے مثال، مدینہ کہیں جسے
اللہ نے چن لیا اسے دلدار کے لیے
Wo shehr-e-bemisaal, Madinah kahin jise
Allah ne chun liya use dildar ke liye
مدت سے منتظر ہے مری چشمِ انتظار
محبوبِ کائنات کے دیدار کے لیے
Muddat se muntazir hai meri chashm-e-intezaar
Mahboob-e-kainaat ke deedaar ke liye
آنکھوں میں اشک، آہ لبوں پر، جگر میں سوز
نسخہ یہی ہے عشق کے بیمار کے لیے
Aankhon mein ashk, aah labon par, jigar mein soz
Nuskha yahi hai ishq ke beemaar ke liye
نسبت ظہوریؔ روضہء اطہر سے ہو گئی
لاکھوں سلام اس در و دیوار کے لیے
Nisbat Zahooree roza-e-athar se ho gayi
Laakhon salaam is dar o deewaar ke liye
Share This Naat
Share with friends and family
ملا نہ سایہ کوئی ان کی رحمتوں کی طرح
محمد علی ظہوری