مِلا جو اذنِ حضوری پیام بر کے بغیر
میں آگیا درِ اقدس پہ ہم سفر کے بغیر
Mila jo izn-e-huzoori payam bar ke baghair
Main aagaya dar-e-aqdas pe humsafar ke baghair
وفورِ شوق نے یوں مری دست گیری کی
سفر تمام ہوا زحمتِ سفر کے بغیر
Wafoor-e-shouq ne yun meri dast geeri ki
Safar tamam hua zahmat-e-safar ke baghair
انہیں کی چشم کرم کا یہ فیض ہے کہ نہیں
نظارہ مجھ کو ہوا منتِ نظر کے بغیر
Unhi ki chashm-e-karam ka yeh faiz hai ke nahin
Nazaara mujh ko hua minnat-e-nazar ke baghair
ہر اک نفس میں سلام و درود کی خوشبو
ہر ایک گام پہ سجدہ جبیں و سَر کے بغیر
Har ek nafas mein salam o durood ki khushboo
Har ek gaam pe sajda jabeen o sar ke baghair
حریم قدس میں آنکھیں بھی با وضو پہنچیں
ہوئی نہ جراءت اظہار چشم تر کے بغیر
Hareem e quds mein aankhen bhi ba-wozu pohanchin
Hui na jurrat-e-izhar chashm-e-tar ke baghair
یہاں کی دھوپ میں ٹھنڈک ہے ‘ ابرِ رحمت کی
میں زیرِ سایہ ہوں اور سایہ ء شجر کے بغیر
Yahan ki dhoop mein thandak hai, abr-e-rehmat ki
Main zer-e-saaya hoon aur saaya e shajar ke baghair
ہر ایک رات ہے اس شہر کی شبِ معراج
زمیں سے تابہ فلک چاندنی قمر کے بغیر
Har ek raat hai is shehar ki shab-e-mairaj
Zameen se taabe falak chaandni qamar ke baghair
یہاں کچھ اور ہے اندازِ گردشِ ایّام
فضا ہے نور فشاں آمد ِ سحر کے بغیر
Yahan kuch aur hai andaaz-e-gardish-e-ayyam
Faza hai noor fishan amad-e-sehar ke baghair
میں جانتا ہوں یہ نگری ہے میرے آقاﷺ کی
دُعا یہاں سے پلٹتی نہیں اثر کے بغیر
Main jaanta hoon yeh nagri hai mere aaqa ﷺ ki
Dua yahan se palatti nahin asar ke baghair
یہاں سے اٹھ کے میں اقباؔل کیسے گھر جاؤں
سکونِ قلب میسر ہے مجھ کو گھر کے بغیر
Yahan se uth ke main Iqbal kaise ghar jaaun
Sukoon-e-qalb mayassar hai mujh ko ghar ke baghair
Share This Naat
Share with friends and family
مِلا جو اذنِ حضوری پیام بر کے بغیر
پروفیسراقبال عظیم