مل پیندا اے دلبر جس ویلے لوں لوں وچہ عشق سما جاندا
جد دل دا صاف مکان ہووے گھر والا آپے آجاند
Mil painda ae dilbar jis wele loun loun witch ishq sama janda
Jid dil da saaf makan howe ghar wala ape aajanda
اوتھے نور خُدا دا ورھدا اے اوتھے عرش وی سجدے کردا اے
محبوب میرا جس گھر دے وچ اک واری پھیرا پا جاندا
Othe noor Khuda da warhda ae othe arsh wi sajde karda ae
Mehboob mera jis ghar de wich ik wari phera pa janda
آمستیاں جان ہواواں وچہ رچ مہکاں جان فضاواں وچ
گلشن وچ سوہنا اک واری جد زُلفاں نوں لہرا جاندا
Aamstiyan jaan hawawan witch rach mehakaan jaan fazawan wich
Gulshan wich sohna ik wari jid zulfaan nu lehra janda
جیہڑا جان سجن توں وار دوے جو جان دی بازی ہار دوے
کدی موت کولوں اوہ نہیں مردا مل ایسا جام بقا جاندا
Jihra jaan sajan ton waar dawe jo jaan di baazi haar dawe
Kadi maut kolon oh nahi marda mil aisa jaam baqa janda
لکھ ترلے منتاں پوندا رہو سو واری نیر بہاؤندا رہو
اوہ اگ نہیں بجھ دی ہنجواں تھیں جیہڑے بھانبھڑ عشق مچا جاندا
Lakh trlay mintaan paonda raho so wari neer bahaonda raho
Oh agg nahi bujh di hanjwan thin jira bhanbhar ishq macha janda
چھڈ کھیڑا یار طبیباں دا کردا رہو ذکر حبیباں دا
جد سب حداں نوں توڑ دوے بن اودوں درد دوا جاندا
Chad kheera yaar tabiban da karda raho zikar Habiban da
Jid sab hadan nu tod dawe ban audon dard dawa janda
کی کھاناں تے کی پیناں ایں مرمر کے صائم جیناں ایں
فیر کھاون پیون بُھل جاندا جد غم سجناں دا کھا جاندا
Ki khan an te ki peenan ae mar mar ke saim jeenan ae
Phir khawan piwan bhul janda jid gham sajnan da kha janda
Share This Naat
Share with friends and family
مل پیندا اے دلبر جس ویلے لوں لوں وچہ عشق سما جاندا
علامہ صائم چشتی