مدحِ سرکار میں نعتیں میں سناتا رہتا
اپنی سوئی ہوئی تقدیر جگاتا رہتا
madah-e-sarkar mein naaten mein sunata rehta apni soyi hui taqdeer jagata rehta
طیبہ کی راہ میں جو قافلے مجھ کو ملتے
شوقِ دیدار انھیں اپنا دکھاتا رہتا
taiba ki raah mein jo qafle mujh ko milte
shauq-e-didar unhein apna dikhata rehta
کیاری جنت کی مجھے دیتی عبادت کا سکوں
ان کی محراب میں سر اپنا جھکاتا رہتا
kiyari jannat ki mujhe deti ibadat ka sakoon
un ki mehrab mein sar apna jhukaata rehta
لوگ کہتے مجھے دیوانہ نبی کے در کا
ہوش کو اپنے میں مستی میں چھپاتا رہتا
log kehte mujhe deewana nabi ke dar ka
hosh ko apne mein masti mein chhupata rehta
بابِ جبریل پہ میں بیٹھتا قدموں کی طرف
ان کے گنبد کو میں آنکھوں میں سماتا رہتا
baab-e-jibraeel pe mein behta qadmon ki taraf
un ke gunbad ko mein aankhon mein samata rehta
دعوتِ بوسہ مجھے جالیاں دیتی رہتیں
میں فقط دید سے پیاس اپنی بجھاتا رہتا
dawat-e-bosa mujhe jaaliyan deti rehtin
mein faqat deed se pyaas apni bujhata rehta
پھر مواجہ سے کرن نور کی مجھ تک آتی
نوری برسات میں گھنٹوں میں نہاتا رہتا
phir mavajha se karan noor ki mujh tak aati
noori barsat mein ghanton mein nahata rehta
حسرتیں پوری مری ہوتیں جو حکمِ رب سے
شکر کا فرض میں دن رات نبھاتا رہتا
hasratein poori meri hotin jo hukum-e-rab se
shukar ka farz mein din raat nibhaata rehta
کرمِ رب سے جو طیبہ میں جگہ مل جاتی
نظمی لکھ لکھ کے نئی نعتیں سناتا رہتا
karam-e-rab se jo taiba mein jagah mil jati
nazmi likh likh ke nayee naaten sunata rehta
Share This Naat
Share with friends and family
مدحِ سرکار میں نعتیں میں سناتا رہتا
سید آل رسول حسنین میاں برکاتی نظمی