میرے عیبوں کو زمانے سے چھپاتا تُو ہے
ہوں بروں سے بھی برا پھر بھی نبھاتا تُو ہے
Mere aibon ko zamane se chhupata tu hai
Hoon buron se bhi bura phir bhi nibahata tu hai
یہ بھی اِک خاص کرم مجھ پہ ہے مولا تیرا
جب بھی گرتا ہوں مجھے، آکے اٹھاتا تُو ہے
Ye bhi ik khaas karam mujh pe hai Maula tera
Jab bhi girta hoon mujhe, aake uthata tu hai
رات اور دن کا ملن اور یہ خورشید و قمر
یہ نشاں اپنی خدائی کے دکھاتا تُو ہے
Raat aur din ka milan aur ye khursheed o qamar
Ye nishan apni khudai ke dikhata tu hai
سورہ الحمد کا تحفہ ہمیں دے کر مولا
سیدھے رستے پہ ہمہ وقت بلاتا تُو ہے
Surah Al-Hamd ka tohfa humein de kar Maula
Seedhe raste pe hama waqt bulata tu hai
گلشنِ قلب میں آتی ہیں خزائیں جب بھی
اپنی رحمت سے مگر پھول کھلاتا تُو ہے
Gulshan-e-qalb mein aati hain zhvaiin jab bhi
Apni rehmat se magar phool khilata tu hai
تاک میں بیٹھے ہیں دشمن بڑے عیار مگر
پاک دھرتی کو خزاؤں سے بچاتا تُو ہے
Taak mein baithay hain dushman bare ayyar magar
Pak dharti ko khzaon se bachata tu hai
خالق کل بھی تو ہی، قادر و قیوم بھی تو
’’ذرئہ خاک کو خورشید بناتا تُو ہے‘‘
Khalq-e-kul bhi tu hi, qadir o qayoom bhi tu
“Zarrah-e-khaak ko khursheed banata tu hai”
جب بھی گھرتا ہے مصائب میں ترا یہ طاہرؔ
جام خوشیوں کے اِسے خوب پلاتا تُو ہے
Jab bhi ghirta hai masaaib mein tera ye Tahir
Jaam khushiyon ke ise khoob pilata tu hai
Share This Naat
Share with friends and family
میرے عیبوں کو زمانے سے چھپاتا تُو ہے
طاہر سلطانی