مِرے مشتاقؔ کو کوئی دوا دو یارسولَ اللہ
دوا دیکر شفائے کامِلہ دو یارسولَ اللہ
Mire mushtaq ko koi dawa do ya Rasul Allah
Dawa de kar shafa-e-kamila do ya Rasul Allah
طبیبوں نے مریضِ لادوا کہہ کہہ کے ٹالاہے
بنا، ناکام ان کا عندِیہ دو یارسولَ اللہ
Tabibon ne mariz-e-la dawa keh keh ke talah hai
Bana, nakam un ka ınd eya do ya Rasul Allah
مرا مشتاق مولیٰ کب تلک تڑپے گا بے چارہ
دعا بھی دو دوا بھی دو شفا دو یارسولَ اللہ
Mera mushtaq mola kab talak tadpe ga bechara
Dua bhi do dawa bhi do shafa do ya Rasul Allah
مرے مشتاق کے اُجڑے چمن میں پھر بہار آئے
کلی پَژمُردہ دل کی تم کِھلا دو یارسولَ اللہ
Mire mushtaq ke ujrhe chman mein phir bahar aaye
Kali pazmurdah dil ki tum khila do ya Rasul Allah
مرے مشتاقِ رنجیدہ پہ ہو چشمِ کرم آقا
بچارے غم کے مارے کو ہنسا دو یارسولَ اللہ
Mire mushtaq e ranjida pe ho chashm e karam aqa
Bechare gham ke mare ko hansa do ya Rasul Allah
کرم سے اب سرِ بالیں شہا تشریف لے آؤ
اسے دیدار کا شربت پلا دو یارسولَ اللہ
Karam se ab sar e baleen shaha tashreef le aao
Usse deedaar ka sharbat pila do ya Rasul Allah
شِفا پا کر یہ نعتیں پڑھ کے پھر تڑپانے لگ جائے
لُعاب اپنا اسے آکر چَٹا دو یارسولَ اللہ
Shifa pa kar yeh naaten parh ke phir tadpane lag jaye
Luab apna usse aakar chata do ya Rasul Allah
شہا مشتاق کب تک دربدر کی ٹھوکریں کھائے
کہاں جائے بچارا تم بتا دو یارسولَ اللہ
Shaha mushtaq kab tak dar badar ki thokrein khaye
Kahan jaye bechara tum bata do ya Rasul Allah
کرم کردو تَرَس کھاؤ دُکھی دل کی صدا سن لو
بلا مشتاق سے ہر اِک ہٹا دو یارسولَ اللہ
Karam kar do taras khaao dukhi dil ki sada sun lo
Bala mushtaq se har ik hata do ya Rasul Allah
سنو یا مت سنو یہ رٹ لگائے جائیں گے ہم تو
شِفا دو یارسولَ اللہ شِفا دو یارسولَ اللہ
Suno ya mat suno yeh rat lagae jaye ge hum to
Shifa do ya Rasul Allah shifa do ya Rasul Allah
فَقَط اَمراضِ جسمانی کی ہی کرتا نہیں فریاد
گناہوں کے مرض سے بھی شِفا دو یارسولَ اللہ
Faqat amraz e jismani ki hi karta nahi faryad
Gunahon ke maraz se bhi shifa do ya Rasul Allah
یہ پھر نیکی کی دعوت کے لئے دوڑے جہاں بھر میں
مِرے مشتاق کو ایسا بنا دو یارسولَ اللہ
Yeh phir neki ki dawat ke liye daurhe jahan bhar mein
Mire mushtaq ko aisa bana do ya Rasul Allah
شہا مشتاق کو حج کی سعادت پھر عطا کردو
بُلاکر سبز گنبد بھی دکھا دو یارسولَ اللہ
Shaha mushtaq ko haj ki saadat phir ataa kar do
Bula kar sabz gumbad bhi dikha do ya Rasul Allah
رِضا پر رب کی راضی ہیں تمھارے ہم بھکاری ہیں
ہماری آخِرت بہتر بنا دو یارسولَ اللہ
Raza paradab ki raazi hain tumhare hum bhikari hain
Hamaari akhirat behtar bana do ya Rasul Allah
گناہوں سے میں تو بہ کررہا ہُوں رہنا تم شاھِد
مجھے اپنے خُدا سے بخشوا دو یارسولَ اللہ
Gunahon se mein toba kar raha hun rehna tum shahid
Mujhe apne khuda se bakhshwa do ya Rasul Allah
مجھے سکرات میں کلمہ پڑھا کر میٹھی میٹھی نیند
کرم سے اپنے قدموں میں سُلا دو یارسولَ اللہ
Mujhe sakaraat mein kalma padha kar meethi meethi neend
Karam se apne qadmon mein sula do ya Rasul Allah
تمھاری یادمیں ہر دم تڑپتا ہی رہوں آقا!
مِرے سینے میں عشق ایسا رَچا دویارسولَ اللہ
Tumhari yaad mein har dam tarapta hi rahoon aqa!
Mire seene mein ishq aisa racha do ya Rasul Allah
مجھے اِذنِ مدینہ دو تمہیں صدقہ نواسوں کا
دکھا دو گنبدِ خضرا دکھا دو یارسولَ اللہ
Mujhe izin e madina do tumhe sadaqa nawason ka
Dikha do gumbad e khizra dikha do ya Rasul Allah
مری تاریک راتیں جگمگا دو ازپئے شَیخین
مجھے تم جلوۂ زیبا دکھا دو یارسولَ اللہ
Meri tareek raatein jagmaga do az pa-e-shaikhin
Mujhe tum jalwa e zeeba dikha do ya Rasul Allah
شہا عطارؔ کا پیارا ہے یہ مشتاق عَطّاری
یِہی مُژدہ اسے تم بھی سنا دو یارسولَ اللہ
Shaha Attar ka pyara hai yeh Mushtaq Attari
Yehi mujda usse tum bhi suna do ya Rasul Allah
اندھیری قبر میں عطّارؔ پر اب خوف طاری ہے
پئے قُطبِ مدینہ جگمگا دو یارسولَ اللہ
Andheri qabr mein Attar par ab khauf tari hai
Payee Qutub e Madina jagmaga do ya Rasul Allah
Share This Naat
Share with friends and family
مِرے مشتاقؔ کو کوئی دوا دو یارسولَ اللہ
الیاس عطار قادری