Manqabat
مرے خواب میں آ بھی جا غوثِ اعظم
مرے خواب میں آ بھی جا غوثِ اعظم
پلا جامِ دیدار یاغوثِ اعظم
Mere khawab mein aa bhi ja Ghous-e-Azam
Pila jaam-e-deedaar ya Ghous-e-Azam
کبھی تو غریبوں کے گھر کوئی پَھیرا!
ہماری بھی قسمت جگا غوثِ اعظم
Kabhi to ghareebon ke ghar koi phera!
Hamari bhi kismet jaga Ghous-e-Azam
کچھ ایسی پلا دو شرابِ مَحَبَّت
نہ اُترے کبھی بھی نَشہ غوثِ اعظم
Kuch aise pila do sharaab-e-muhabbat
Na utre kabhi bhi nasha Ghous-e-Azam
ہیں زیرِ قدم گردنیں اَولیا کی
تمہارا ہے وہ مرتبہ غوثِ اعظم
Hain zair-e-qadam gardanein auliya ki
Tumhara hai woh martaba Ghous-e-Azam
ہیں سارے ولی تیرے زیرِنگیں اور
ہے تُو سیِّدُ الاَْولیا غوثِ اعظم
Hain saare wali tere zair-e-nageen aur
Hai tu sayyid-ul-auliya Ghous-e-Azam
مدد کیجئے آہ! چاروں طرف سے
میں آفات میں ہوں گِھرا غوثِ اعظم
Madad kijiye aah! chaaron taraf se
Main aafat mein hoon ghira Ghous-e-Azam
بہار آئے میرے بھی اُجڑے چمن میں
چلا کوئی ایسی ہوا غوثِ اعظم
Bahar aaye mere bhi ujrre chaman mein
Chala koi aisi hawa Ghous-e-Azam
رہے شاد و آباد میرا گھرانا
کرم ازپئے مصطَفٰے غوثِ اعظم
Rahe shaad-o-abaad mera gharana
Karam az pai Mustafa Ghous-e-Azam
دمِ نَزع شیطاں نہ ایمان لے لے
حفاظت کی فرما دعا غوثِ اعظم
Dam-e-naza shaitaan na imaan le le
Hifazat ki farma dua Ghous-e-Azam
مُریدین کی موت توبہ پہ ہوگی
ہے یہ آپ ہی کا کہا غوثِ اعظم
Mureedein ki maut tauba pe hogi
Hai yeh aap hi ka kaha Ghous-e-Azam
مری موت بھی آئے توبہ پہ مُرشِد!
ہوں میں بھی مرید آپ کا غوثِ اعظم
Meri maut bhi aaye tauba pe murshid!
Hoon main bhi mureed aap ka Ghous-e-Azam
کرم آپ کا گر ہوا تو یقینا
نہ ہوگا بُرا خاتِمہ غوثِ اعظم
Karam aap ka gar hua to yaqeenan
Na hoga bura khatima Ghous-e-Azam
مری قبر میں ’’لاتَخَف‘‘کہتے آؤ
اندھیرا رہا ہے ڈرا غوثِ اعظم
Meri qabar mein "La Takhaf" kehte aao
Andhera raha hai dara Ghous-e-Azam
گو عطارؔ بد ہے بدوں کا بھی سردار
یہ تیرا ہے تیرا، تِرا غوثِ اعظم
Go Attar bad hai badon ka bhi sardar
Yeh tera hai tera, tera Ghous-e-Azam
Share This Naat
Share with friends and family
مرے خواب میں آ بھی جا غوثِ اعظم
الیاس عطار قادری