Manqabat
میرے آقا لاثانی کرو اک نظر در تے آیاں ہاں سن کے فسانہ ترا
میرے آقا لاثانی کرو اک نظر در تے آیاں ہاں سن کے فسانہ ترا
تیرا دادا علی تیرا نانا نبی عظمتاں نال بھریا گھرانہ ترا
Mere aaqa laasaani karo ek nazar dar te aayaan haan sun ke fasana tera
Tera dada Ali tera nana Nabi azmataan nal bhariya gharana tera
دھماں تھاں تھاں تے پیاں تیرے ناں دیاں شاناں ہین اچیاں سیدا تیریاں
ایتھے اک دو دی گل ای نئیں سوہنیا ڈٹھا جگ سارا میں تے دیوانہ ترا
Dhama thaan thaan te piyaan tere naan diyaan shaanaan heen achiyaan syedaa teriyaan
Ithay ek do di gal e nai sohnia ditha jag saara main te deewana tera
سارے بیٹھے نے مشتاق سرکارلئی بوہے اکھیاں دے کھولے نے دیدار لئی
آوی جا سوہنیا صدقہ حسنین دا منتظر ہے ایہہ سارا زمانہ ترا
Saare baithay ne mushtaq sarkar lai bohay akhiyaan de kholay ne deedaar lai
Awi ja sohnia sadaqa Hasnain da muntazir hai eh saara zamana tera
ایہہ تیرے جام دی ساری تاثیر اے ہر نظر وچہ مدینے دی تصویر اے
کلے کلے دی نظراں چہ انج جاپدا جیویں کھلیا ہویا اے میخانہ ترا
Eh tere jaam di saari taseer ae har nazar wich Madine di tasweer ae
Kalle kalle di nazraan ch inj jaapda jeevin khulia hoya ae maikhana tera
پوری ہندی سدا آس دل دی روے شاخ اُمید دی ایتھے کھل دی روے
خیر در دے فقیراں نوں ملدی روئے شالا وسدا روئے آستانہ ترا
Poori hundi sada aas dil di roway shaakh umeed di ithe khul di roway
Khair dar de faqiraan nu mildi rowe shala wasda rowe aastana tera
پنجتن دی عطا اے ترے تے سدا اس عطا دا کرشمہ اساں دیکھیا
اوہدے در تے شہنشاہ بنے نے گدا جیہدی جھولی چه تکیا خزانہ ترا
Panjtan di ata ae tere te sada es ata da karishma asaan dekhya
Ohdde dar te shahnshah bane ne gada jei di jholi ch takiya khazana tera
اللہ اللہ اونہاں تھاواں دے مرتبے جتھے لگے نے آقا قدم آپ دے
اونہاں راہواں نوں دیوانے چمدے ڈٹھے جناں راہاں توں لنگھیا دیوانہ ترا
Allah Allah unhaan thaawan de martabay jithe lagay ne aaqa qadam aap de
Unhaan raahwaan nu deewanay chamday dithe jinaan raahaan toon langhiya deewana tera
ترے در دے گدا تا جور ہو گئے ذرے ذرے ترے سیم و زر ہو گئے
مرحلے اوس دے سارے سر ہو گئے جیہڑا بنیاں نظر دا نشانہ ترا
Tere dar de gada ta jor ho gaye zarray zarray tere seem o zar ho gaye
Marhalay os de saare sar ho gaye jehda baniyaan nazar da nishaana tera
جھکیا در تے ترے ایہ نیازی روے مینوں حاصل ایہو سرفرازی روے
جد تلک ساہنواں والی ایہ بازی روے رواں پڑھدا سدا میں ترانہ ترا
Jhukya dar te tere eh Niazi rowe mainu hasil eho sarfarazi rowe
Jad talak sahnwaan wali eh baazi rowe rowaan padhda sada main tarana tera
Share This Naat
Share with friends and family
میرے آقا لاثانی کرو اک نظر در تے آیاں ہاں سن کے فسانہ ترا
عبدالستار نیازی