محبوب مدینے والے دے دس درد دیاں ریساں کون کرے
نازل سی جتھے قرآن ہندا اُس گھر دیاں ریساں کون کرے
Mehboob Madine wale de das dard diyan risan kon kare
Nazil si jithe Quran hunda us ghar diyan risan kon kare
اک نظر کرم دی پا جہینے دل موہ لے کُل زمانے دے
اُس رب دے ماہی نبیاں دے دلبر دیاں ریساں کون کرے
Ik nazar karam di pa jehine dil moh le kul zamane de
Us Rab de mahi nabijaan de dilbar diyan risan kon kare
چھن چھن کے کرناں جالی چوں ہر شئے تائیں چمکا رہیاں
اُس سب نُوراں دے مرکز تے محور دیاں ریساں کون کرے
Chhan chhan ke karna jali cho har shaye taain chamka rahiyaan
Us sab nooran de markaz te mehvar diyan risan kon kare
دو نال سلائے ہوئے نے دو دِل چ وسائے ہوئے نے
صدیق عُمر عثمان تے حیدر دیاں ریساں کون کرے
Do naal sulae hoye ne do dil ch vasaye hoye ne
Siddiq Umar Usman te Haider diyan risan kon kare
دُکھ جھل کے وی ٹکرا جاوے قارون دے پیر و کاراں تھیں
اُس کملی والے آقا دے بوذر دیاں ریساں کون کرے
Dukh jhal ke vi takra jave Qaroon de peer o karan thiyan
Us kamli wale aaqa de Boozer diyan risan kon kare
رب اُس نوں اپنی صُورت دی صورت وچ ڈھالیا ہویا سی
سرکارِ میری دے نُورانی پیکر دیاں ریساں کون کرے
Rab us nu apni soorat di soorat vich dhalya hoya si
Sarkaar meri de noorani paikar diyan risan kon kare
دل والے جس دی صورت چوں اللہ نوں صائم ویہندے نے
اُس ذات صفات الہی دے مظہر دیاں ریساں کون کرے
Dil wale jis di soorat cho Allah nu Saaim vehnde ne
Us zaat sifat elahi de mazhar diyan risan kon kare
Share This Naat
Share with friends and family
محبوب مدینے والے دے دس درد دیاں ریساں کون کرے
علامہ صائم چشتی