محبُوبِ کردگار ہیں آقائےؐ نامدار
نبیوں کے تاجدار ہیں آقائےؐ نامدار
Mahboob-e-Kardgar hain Aaqaayeؐ Namdar
Nabiyon ke Tajdar hain Aaqaayeؐ Namdar
زیرِ نگیں ہے جن کا ہرا قلیمِ جان و دِل
صرف ایک شہریار ہیں آقائےؐ نامدار
Zair-e-Nageen hai jin ka har qaleem-e-jaan o dil
Sirf aik Shehriyar hain Aaqaayeؐ Namdar
رحمت میں سلسبیلِ رواں ہیں مرے حضورؐ
ہمّت میں کوہسار ہیں آقائےؐ نامدار
Rehmat mein Salsabeel-e-rawaan hain mere Huzoorؐ
Himmat mein Kohsaar hain Aaqaayeؐ Namdar
وُسعت کو جس کی پا نہ سکا کوئی آج تک
وُہ بحرِ بے کنار ہیں آقائےؐ نامدار
Wusat ko jis ki paa na saka koi aaj tak
Woh Bahr-e-Beknaar hain Aaqaayeؐ Namdar
آلامِ روزگار کا مجھ کو نہیں ہے ڈر
میرے نگاہ دار ہیں آقائےؐ نامدار
Aalaam-e-roozgar ka mujh ko nahi hai darr
Mere Nigahdar hain Aaqaayeؐ Namdar
ہر آنکھ کا ہیں نور وُہ ہر جان کا سُرور
ہر قلب کا قرار ہیں آقائےؐ نامدار
Har aankh ka hain noor woh har jaan ka suroor
Har qalb ka qaraar hain Aaqaayeؐ Namdar
تائبؔ سے عاصیوں کی شفاعت کے واسطے
آقائے ؐ نامدار ہیں آقائےؐ نامدار
Taaibؔ se aasiyon ki shifaat ke wastay
Aaqaaye ؐ Namdar hain Aaqaayeؐ Namdar
Share This Naat
Share with friends and family
محبُوبِ کردگار ہیں آقائےؐ نامدار
حفیظ تائب