میم تیرے نام کی تلخیصِ ہست و بود ہے
تو ہی تخلیقِ جہاں کا مقصد و مقصود ہے
Meem tere naam ki talkhees-e-hast o bood hai
Tu hi takhleeq-e-jahaan ka maqsad o maqsood hai
میری ہر اک سوچ کا مرکز ہے کوئے مصطفیٰ
اس سے آگے سوچ کا ہر زاویہ مفقود ہے
Meri har ek soch ka markaz hai koe-e-Mustafa
Is se aage soch ka har zaviyah mafqood hai
صاحبانِ عقل نے پایا نہیں اس راز کو
تو شبِ معراج میں شاہد ہے یا مشہود ہے
Sahiban-e-aqal ne paaya nahi is raaz ko
Tu shab-e-Mairaaj mein shaahid hai ya mashhood hai
میرا خامہ معبدِ مدحت میں ہے محوِ طواف
تیرا سنگِ در مرے ہر لفظ کا مسجود ہے
Mera khaama ma'bad-e-madihat mein hai mehve-taawaaf
Tera sang-e-dar mere har lafz ka masjood hai
جسم تو بچوں کی خاطر لوٹ آیا ہے مگر
دل ابھی تک ان کے قدموں کی طرف موجود ہے
Jism to bachon ki khaatir loot aaya hai magar
Dil abhi tak un ke qadmon ki taraf maujood hai
میرا دامانِ طلب پھیلا ہے ان کے سامنے
جن کے دستِ مرمریں کا جود لا محدود ہے
Mera daamaan-e-talab phaila hai un ke saamne
Jin ke dast-e-marmareen ka jood la mahood hai
نعت گوئی کے عوض ملتی ہیں ساری عزتیں
نعت گوئی کا ہنر اشفاقؔ جی مسعود ہے
Naat goi ke ewaz milti hain saari izzatein
Naat goi ka hunar Ashfaque ji Masood hai
Share This Naat
Share with friends and family
میم تیرے نام کی تلخیصِ ہست و بود ہے
اشفاق احمد غوری