میں نازشِ مہر و ماہ چہرے کی ایک لمحے کو دید کر لوں
نظر اٹھانے کی ہو اجازت تو اپنی آنکھوں کی عید کر لوں
Main nazish-e-mehr o mah chehre ki aik lamhe ko deed kar loon
Nazar uthanay ki ho ijazat to apni ankhon ki eid kar loon
گھرا ہوا ہوں شبِ اجل کے عجیب رنگوں کے وسوسوں میں
خیالِ پاپوشِ روحِ عالم سے زندگانی کشید کر لوں
Ghera hua hoon shab-e-ajal ke ajeeb rangon ke waswason mein
Khyal-e-paposhe rooh-e-alam se zindagani kasheed kar loon
میں حرفِ مدحت کے بیچنے کو قبیح حرکت سمجھ رہا ہوں
اگر میں چاہوں تو ایک مصرعہ میں ساری جنت خرید کر لوں
Main harf-e-madhat ke bechne ko qabeeh harkat samajh raha hoon
Agar main chahoon to aik misra mein sari jannat khareed kar loon
یہی وسیلہ یہی وظیفہ یہ اسمِ سرور ہے اسمِ اعظم
کھلے گا بابِ اثر یقیناً درود کو گر کلید کر لوں
Yahi waseela yahi wazifa ye ism-e-sarwar hai ism-e-azam
Khule ga bab-e-asar yaqeenan durood ko gar kaleed kar loon
یہ دل جبیں اور میری پلکیں درِ نبی پر ہیں سب خمیدہ
یہ خم نہیں آستاں کے لائق یہ خم اگرچہ مزید کر لوں
Ye dil jabeen aur meri palken dar-e-nabi par hain sab khameeda
Ye kham nahin aastan ke laayak ye kham agarche mazeed kar loon
عطا ہوں رشکِ ارم کی گلیوں کی حاضری کے حسین لمحے
گزار کر سنگِ آستاں پر ہر ایک لمحہ سعید کر لوں
Ata hoon reshke aram ki galiyon ki haazri ke haseen lamhe
Guzar kar sang-e-aastan par har aik lamha saeed kar loon
ہنر ملا ہے گداز لفظوں کو خوب شعروں میں ڈھالنے کا
تو کیوں نہ توصیفِ مصطفیٰ کر کے شاعری کو مفید کر لوں
Hunar mila hai gudaaz lafzon ko khoob sheiron mein dhalne ka
To kyun na tauseef-e-Mustafa kar ke shairi ko mufeed kar loon
یہ آرزو ہے کہ حسنِ کامل، رئیسِ خوباں کی بارگہ میں
محبتوں کے تمام جذبے برائے سرور شدید کر لوں
Ye aarzo hai ke husn-e-kamil, raees-e-khubaan ki bargah mein
Muhabbatoun ke tamaam jazbe baraye sarwar shadeed kar loon
Share This Naat
Share with friends and family
میں نازشِ مہر و ماہ چہرے کی
اشفاق احمد غوری