مَیں کہاں، وہ سرزمینِ شاہِؐ بحرو بر کہاں
اُن کے نقشِ پا پہ سجدہ کر سکے وہ سَر کہاں
Main kahaan, woh sarzamin-e-Shah-e-Behr-o-Bar kahaan
Un ke naqsh-e-pa pe sajda kar sake woh sar kahaan
اس سے بہتر، اِس سے برتر، اِس سے بڑھ چڑھ کر کہاں
دلربائی میں جوابِ گُنبدِ اخضر کہاں
Is se behtar, is se bartar, is se barr charr kar kahaan
Dilrubai mein jawab-e-Gumbad-e-Akhdar kahaan
آگئی ہے یاد اُن کی، لے اُڑا ہے جذبِ شوق
اب ٹھہر سکتا ہے پہلو میں دلِ مضطر کہاں
Aa gayi hai yaad un ki, le uda hai jazb-e-shauq
Ab theher sakta hai pehlu mein dil-e-muztar kahaan
ہو چراغاں لاکھ، لیکن ظلمتیں مِٹتی نہیں
اُن کا جلوہ ہی نہ ہو جس میں، وہ روشن گھر کہاں
Ho chiraghan laakh, lekin zulmatein mitti nahin
Un ka jalwa hi na ho jis mein, woh roshan ghar kahaan
چاہتا ہوں، زندگی گزرے دیارِ پاک میں
شوق وارفتہ سہی، ایسا مقدّر پر کہاں
Chahata hoon, zindagi guzre diyar-e-paak mein
Shauq warfata sahi, aisa muqaddar par kahaan
یا محمدؐ کہہ کے ، عاصہ حشر میں چُپ ہوگئے
گفتگو کی تاب، پیشِ داورِ محشر کہاں
Ya Muhammad keh ke, aasa hashr mein chup ho gaye
Guftagu ki taab, pesh-e-dawar-e-mahshar kahaan
اُن کی الفت میں نہیں گنجائش چون و چرا
کفر ہے اِس راہ میں کب، کیسے، کیا، کیوں کر، کہاں
Un ki ulfat mein nahin gunjaish chon-o-chara
Kufr hai is raah mein kab, kaise, kya, kyun kar, kahaan
راہِ عشقِ مصطفیٰؐ میں ذوق ہے زادِ سفر
رہرووں کے پاس کوئی بوریا، بستر، کہاں
Raah-e-ishq-e-Mustafa mein zouq hai zaad-e-safar
Rehruon ke paas koi boriya, bistar, kahaan
طائرِ دل سُوئے عصیاں لاکھ پر مارے، مگر
دام ِرحمت سے بھلا یہ جائے گا بچ کر کہاں
Taair-e-dil soo'e asyan laakh par maare, magar
Daam-e-Rehmat se bhala yeh jaayega bach kar kahaan
سنگِ اسود ہے نصیرؔ اپنی جگہ اپنا جواب
زینتِ دیوارِ کعبہ یُوں کوئی پتّھر کہاں
Sang-e-Aswad hai Naseer apni jagah apna jawab
Zeenat-e-deewar-e-Kaaba yun koi pattar kahaan
Share This Naat
Share with friends and family
مَیں کہاں، وہ سرزمینِ شاہِؐ بحرو بر کہاں
سید نصیرالدیں نصیر